Інфармацыя пра намер швейцарскай кампаніі «Штадлер» пакінуць беларускі рынак распаўсюдзілася ўчора пасля таго, як пра гэта згадаў міністр транспарту Літвы ў кантэксце супрацоўніцтва са «Штадлерам» ягонай дзяржавы. Аднак у самой кампаніі адкрыты вакансіі.
Беларускаму прадстаўніцтву швейцарскай кампаніі ЗАТ «Штадлер Мінск» патрабуецца з дзясятак супрацоўнікаў, пераважна інжынерных спецыяльнасцяў. Гэта вынікае з прагляду рэсурсаў, якія публікуюць абвесткі аб вакансіях.
Чытач «Нашай Нівы» патэлефанаў, каб паспрабаваць уладкавацца на завод, дзе збіраюць маторaвагонны рухомы састаў. У офісе прадстаўніцтва параілі даслаць ім сваё рэзюмэ праз рэсурс rabota.by. У тэлефоннай гутарцы супрацоўніца параіла яму «адгукацца на вакансіі, калі яны ёсць».
На пытанне чытача пра адыход кампаніі з Беларусі супрацоўніца «Штадлер Мінск» не змагла канкрэтна адказаць і зноў параіла «адгукацца на вакансіі».
«І ўжо тады будзеце гаварыць з кіраўнікамі, якія выстаўлялі гэтыя вакансіі, на што яны разлічваюць і які ў іх аб’ём працы. Што будзе далей, я вам не скажу, бо я гэтага не ведаю», — падсумавала яна.
«Супольнасць чыгуначнікаў» сцвярджае, што пасля ўвядзення шэрага санкцыйных пакетаў адносна Беларусі выпуск прадукцыі прадпрыемства «Штадлер» у Фаніпалі скараціўся з прычыны адмовы ад супрацоўніцтва з ім некаторых краін, куды раней пастаўляліся вырабы.
У той жа час сцвярджэнні аб спыненні функцыянавання завода ў Фаніпалі і поўным згортванні вытворчасці заўчасныя.
Праз каналы «Супольнасці чыгуначнікаў» устаноўлена, што планаў па скарачэнні штату супрацоўнікаў і згортванні вытворчасці ў агляднай перспектыве ў завода «Штадлер Мінск» у Фаніпалі няма.
Цяпер на заводзе нібыта рэалізуюцца праекты па вырабе і пастаўцы маторавагоннага рухомага саставу для Казахстана і Азербайджана, працягваецца сэрвіснае абслугоўванне абсталявання электрацягнікоў, закупленых Беларускай чыгункай. Такім чынам, можна меркаваць, што завод па вытворчасці электрацягнікоў у Фаніпалі ў найбліжэйшы час працягне сваё функцыянаванне.
Швейцарская кампанія Stadler Rail (Stadler Bussnang AG) арганізавала з 2014 года ў Фаніпалі Дзяржынскага раёна лакалізаваную вытворчасць маторaвагоннага рухомага саставу пад назвай «Штадлер Мінск». Гэта вытворчасць па зборцы маторавагоннага рухомага саставу на замову розных краін, вагонаў метро, трамваяў, а таксама спальных вагонаў.
Цяпер чытаюць
Бабарыка зоймецца бізнэсам — ужо адкрыў кампанію ў Германіі5
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1212
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу12
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары