Грамадства2222

32 — за, супраць — 1, устрымаўся — 1. Такія былі вынікі галасавання па пытанні выключэння Алеся Пушкіна з Саюза мастакоў

Раней паведамлялася, што палітзняволенага мастака Алеся Пушкіна, які памёр у няволі, за некалькі тыдняў да смерці выключылі з Беларускага саюза мастакоў па рашэнні рады арганізацыі. Цяпер з'явіліся некаторыя падрабязнасці гэтага ўчынку калег па цэху.

У сацыяльных сетках з'явілася выпіска з пратакола таго пасяджэння рады творчага саюза. З яе вынікае, што пасяджэнне адбылося 30 мая, і на ім прысутнічалі 34 сябры рады з 50, якія ў яе ўвогуле ўваходзяць. Вёў пасяджэнне старшыня рады Уладзімір Слабодчыкаў.

Пераважная большасць прысутных сяброў рады, 32 чалавекі, падтрымалі рашэнне аб выключэнні палітвязня, толькі адзін чалавек быў супраць і адзін устрымаўся.

Фармальнай прычынай для выключэння Алеся Пушкіна і іншых мастакоў стала тое, што яны

«не выплачваюць унёскі больш за два гады, маюць запазычанасць па аплаце за творчую майстэрню больш за шэсць месяцаў, за парушэнне Этычных правіл сяброў ГА «БСМ», а таксама на іншых падставах і нормах Статута ГА «БСМ».

Якую менавіта норму з пералічаных прымянілі да Алеся Пушкіна, у выпісцы з пратакола не ўдакладняецца, спіс прысутных на пасяджэнні творцаў таксама пакуль невядомы. Акрамя Пушкіна, у той дзень з саюза выключылі, па нашых звестках, яшчэ дзевяцярых мастакоў, сярод якіх вядомы дызайнер Уладзімір Цэслер.

Алесь Пушкін пра сваё выключэнне, найхутчэй, так і не даведаўся: лісты да палітвязня ў гродзенскую турму апошнім часам практычна не даходзілі, і зваротнай сувязі з ім не было цягам больш як двух месяцаў.

У сакавіку 2022 года мастак быў асуджаны да пяці гадоў калоніі строгага рэжыму. Адбываць пакаранне яго накіравалі ў папраўчую калонію ў Івацэвічах. Адміністрацыя ПК-22 ініцыявала перавод Алеся Пушкіна ў турму нібыта за сістэматычныя парушэнні рэжыму ўтрымання. Па рашэнні суда мастака перавялі ў гродзенскую турму №1, дзе ён мусіў правесці паўтара года. 

Уночы з 10 на 11 ліпеня яго прывезлі з турмы ў рэанімацыю гродзенскага шпіталя ў непрытомным стане. Там ён, па неафіцыйнай інфармацыі, сканаў ад наступстваў прабадной язвы страўніка: падчас аперацыі ў яго спынілася сэрца. Мастака пахавалі на радзіме ў Бабры Крупскага раёна.

Як стала вядома пазней, моцныя болі ў Алеся Пушкіна пачаліся яшчэ ў сярэдзіне чэрвеня. Аднак турэмныя дактары абмяжоўваліся капеечнымі абязбольвальнымі сродкамі і хацелі адправіць Пушкіна ў ШІЗА за сімуляцыю.

Болі нарасталі і нарасталі. За тры-чатыры дні да шпіталізацыі болі ў Алеся Пушкіна сталі нясцерпнымі, аднак яго не накіравалі ў гарадскі шпіталь. Яму сталі даваць толькі моцныя абязбольвальныя сродкі. Калі б Пушкіна прывезлі хоць на некалькі дзён раней, хірургі, імаверна, яго ўратавалі б.

Медчасткай гродзенскай турмы кіруе Віктар Лутцаў.

Каментары22

  • Ann-Marie
    22.07.2023
    C'est terrifique
  • Васька
    22.07.2023
    [Рэд. выдалена]
  • мясцовы2
    22.07.2023
    Здаецца мне, што выключэнне Алеся Пушкіна з падобнага інстытуцыянальнага рудымента таталітарнай радзянскай эпохі, гэта нешта накшталт прызнання. На жаль пасмертнага.

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць