Ход справе супраць мастака Алеся Пушкіна, які загінуў у няволі, далі прарасійская актывістка і абласны чыноўнік.
Нагодаю для зняволення Алеся Пушкіна стаў партрэт пасляваеннага антысавецкага партызана Яўгена Жыхара. Карціна была выстаўленая ў гродзенскім прыватным Цэнтры гарадскога жыцця. На ёй мастак ахарактарызаваў Жыхара як чалавека з беларускага супраціву, змагара з бальшавікамі.
Раней за пракуратуру на выставу накінулася серыйная скаржніца і прарасійская актывістка Вольга Бондарава. З яе даносу пачаўся пераслед Алеся Пушкіна.
Пагутарыць з Бондаравай «Нашай Ніве» не ўдалося. На тэлефанаванні яна не адзываецца.
У каментары намеснік старшыні Гродзенскага аблвыканкама Віктар Пранюк абяцаў, што «выпадак» будзе «старанна вывучаны і атрымае прынцыповую ацэнку».
Чыноўнік Віктар Пранюк паходзіць з гродзенскай глыбінкі. Ён нарадзіўся ў 1973 годзе ў вёсцы Пяскі Лідскага раёна.
У 2003 годзе Пранюк стаў самым маладым дырэктарам першага ў Лідзе і раёне ліцэя. Ліцэй падаваўся як установа адукацыі новага тыпу, а кіраўніка лічылі аўтарам складання яго гуманістычнай канцэпцыі. Навучэнцы ліцэя штогод выбіраюць сабе прэзідэнта.
Кар’ера настаўніка для Пранюка скончылася ў 2011 годзе, калі яго прызначылі намеснікам кіраўніка Лідскага райвыканкама.
У 2015 годзе падчас прэзідэнцкай кампаніі Пранюк дыскутаваў з кандыдаткай на прэзідэнцтва Таццянай Караткевіч. З ім яна сустрэлася ў 10-тысячным мястэчку Бярозаўка.
Пранюку не спадабалася ідэя Караткевіч, каб чыноўнікаў выбіралі.
У 2019-м, калі перыяд лібералізацыі завяршаўся, Віктар Пранюк тлумачыў неабходнасць усталявання ў Лідзе помніка Гедыміну.
У 2019 годзе Лукашэнка прызначыў Віктара Пранюка намеснікам старшыні аблвыканкама. Ён курыруе ідэалогію і сацыяльна-культурныя пытанні.
На чыноўніцкую кар’еру Пранюка ў аблвыканкаме прыпала пандэмія, выбары, пратэсты і тэрор.
Тады чыноўнікам перадалі патрабаванні аб адстаўцы Лукашэнкі, кіраўнікоў МУС, арышце сяброў ЦВК ды вызваленні палітычных зняволеных. Кіраўніцтва гарвыканкама адмовілася выйсці да пратэстоўцаў.
У 2022 годзе Пранюка паставілі кіраваць праўладнай «Белай Руссю». На адным са сходаў ён заяўляў, што аб’яднанне павінна «ўзяць актыўны ўдзел у арганізацыі выбарчай кампаніі» ў мясцовыя саветы і Палату прадстаўнікоў.
Даведацца, як Віктар Пранюк успрыняў навіну пра смерць зняволенага Алеся Пушкіна, не ўдалося. У аблвыканкаме паведамілі, што чыноўнік да 28 ліпеня ў водпуску.
Вядомы беларускі мастак, жывапісец-нонканфарміст, перформер спачатку пакаранне адбываў у івацэвіцкай калоніі, а потым быў пераведзены на турэмны рэжым у Гродна. Палітвязень памёр у ноч на 11 ліпеня ў шпіталі, куды яго даставілі ў непрытомным стане.
«Наша Нiва» — бастыён беларушчыны
ПАДТРЫМАЦЬ«Шанцаў на выратаванне не было». Падрабязнасці смерці мастака Алеся Пушкіна
«Яго творчасць была ўвасабленнем нязломнага духу беларускага народа» — Ціханоўская пра Пушкіна
Хто такія вамбаты? Як лукашыстаў падзяліла на два лагеры адно пытанне
СК назваў імёны тых, хто скінуў выбухоўку на базу АМАПа ў Мінску ў 2021 годзе9
Каментары