«Паступова вайна вяртаецца на тэрыторыю Расіі, і гэта абсалютна справядлівы працэс» — Зяленскі
У сваім сённяшнім відэазвароце прэзідэнт Украіны Уладзімір Зяленскі назваў непазбежным і справядлівым тое, што вайна паступова вяртаецца на тэрыторыю Расіі, піша «Украінская праўда».
Фота: Офіс прэзідэнта Украіны
«Расійская агрэсія пацярпела банкруцтва на полі бою. Сёння ўжо 522-і дзень, як працягваецца так званая «спецыяльная вайсковая аперацыя», якую расійскае кіраўніцтва разлічвала на тыдзень-два. Украіна становіцца мацнейшай.
Паступова вайна вяртаецца на тэрыторыю Расіі — у яе сімвалічныя цэнтры і вайсковыя базы, і гэта непазбежны, натуральны і абсалютна справядлівы працэс», — адзначыў Зяленскі ў сваім відэазвароце.
У той жа час ён заклікаў усведамляць тое, што «гэтай зімой расійскія тэрарысты яшчэ могуць біць па нашай энергетыцы, па крытычных аб'ектах».
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары