CNN паказаў марскія дроны Украіны. Такімі нібыта падарвалі Крымскі мост
Тэлеканал CNN выпусціў сюжэт пра сакрэтную базу Вайскова-марскіх сіл Украіны, дзе праводзяць выпрабаванні ўдарных марскіх беспілотнікаў. Раней украінскія надводныя дроны публіцы не дэманстравалі.
Марскі робат, як адзначае тэлеканал, па сваёй форме нагадвае шырокае каноэ, яго даўжыня — каля пяці метраў. Апошнія версіі беспілотнікаў, якія вывучылі журналісты, важаць да тоны, нясуць да 300 кілаграмаў выбухоўкі, маюць запас ходу да 800 кіламетраў з максімальнай хуткасцю да 80 кіламетраў за гадзіну, сцвярджаецца ў сюжэце.
Работы над марскімі беспілотнікамі пачаліся пасля поўнамаштабнага расійскага ўварвання ва Украіну, як распавёў тэлеканалу распрацоўшчык дронаў, які пажадаў застацца неназваным.
Паводле звестак крыніц CNN ва ўкраінскіх службах бяспекі, марскія беспілотнікі ВМС ужо як мінімум двойчы выкарыстоўваліся пры нападах на анексаваны Крым — у тым ліку пры ўдары па Крымскім мосце ў ліпені гэтага года.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары