Хлопец даў пакатацца сяброўцы і ўляцеў на вялікія грошы. Машына была каршэрынгавая
18-гадовы жыхар Мінска Максім расказаў «Анлайнеру», як нарваўся на штраф не толькі ад ДАІ, але і ад каршэрынгавай кампаніі праз свае неспрактыкаванасць і глупства.
«Днямі атрымаў пасведчанне кіроўцы і наважыўся паездзіць на шэрынгавай машыне. А ў паездцы ўзнікла даволі неразумная ідэя — пасадзіць за руль дзяўчыну», — гаворыць хлопец.
У выніку машыну спынілі супрацоўнікі ДАІ, але адным штрафам ад інспектараў гісторыя не скончылася.
«Мне 18 гадоў, атрымаў правы літаральна днямі і адразу ж трапіў у непрыемнасці па дурасці, — расказаў Максім. — Я арандаваў машыну ў кампаніі Multimotors і паехаў па дзяўчыну. Забраў яе, і мы паехалі катацца. У нейкі момант вырашыў перадаць ёй кіраванне. Для гэтага мы заехалі на паркоўку каля Expobel, у самы далёкі вугал, дзе не было ні машын, ні людзей. Там і памяняліся месцамі».
Трэба сказаць, што апісанае месца вельмі добра вядомае інспектарам і яны перыядычна наведваюцца туды, у тым ліку ў пошуках «дрыфтараў». Па словах хлопца, ужо пасля 10—20 хвілін язды прыехала машына ДАІ.
«Нас спынілі. Там жа, на месцы, мне выпісалі штраф, а машыну адагналі на штрафстаянку. На гэтым бы ўсё і скончылася, калі б гэта быў мой аўтамабіль. Але гэта ж каршэрынгавая машына. У выніку кампанія мне выставіла штраф памерам 150 базавых велічынь (5550 рублёў). Да таго ж далі тэрмін для аплаты пяць дзён».
Максім гаворыць, што расказаў сваю гісторыю, каб данесці да ўсіх: пры арэндзе машыны ў шэрынгавых кампаній трэба быць гатовым несці адказнасць і плаціць вялікія грошы за любы інцыдэнт.
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
Дивные времена. Сейчас такие в омон работают, а когда-то работали в бригадах)))