Пранкер паказваў расейцам сцяг Беларусі і прасіў здагадацца, чый ён — адказы самыя нечаканыя
Пра сцяг і сталіцу Беларусі расейцаў апыталі ў чат-рулетцы. «Сталіца Беларусі? Так гэта ж неўзабаве будзе вобласць Расіі», — быў адзін з адказаў.
У тыктоку больш за 600 тысяч праглядаў набрала відэа, у якім украінскі пранкер у чат-рулетцы прапануе сваім суразмоўцам з Расіі адгадаць сцяг адной з братніх краін. Пры гэтым ён дэманструе выяву з дзяржаўным сцягам Беларусі.
Сярод адказаў называліся такія краіны, як Іспанія, Казахстан, Таджыкістан, Партугалія.
Пранкер спрабаваў падказаць, гаворачы, што гэта суседняя краіна. Але, відаць, гэта яшчэ больш ускладняла задачу — гучалі версіі пра Таджыкістан, Іран, Германію.
У другім відэа блогер прасіў назваць сталіцу Беларусі. Пры адказе на гэта пытанне называліся як сталіцы краін СНД (Кішынёў), расійскія гарады (Белгарад), так і краіны (Украіна). А адзін суразмоўца прадэманстраваў «дасведчанасць» і з захапленнем паведаміў, што Беларусь неўзабаве будзе вобласцю Расіі. Праўда, сталіцы так і не назваў.
У каментарах да відэа адзін з карыстальнікаў прапанаваў наступны раз пытацца маркі гарэлкі.
Чытайце яшчэ:
У спіс «экстрэмісцкіх матэрыялаў» унеслі тыкток-старонку Настассі Роўды
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі14
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2222
Каментары