Беларуска Вольга Кабава вырашыла правесці грашовы эксперымент. Цэлы год яна адкладала ў скарбонку манеты па 2 беларускія рублі. А як распакавала назбіранае ды апублікавала ў тыкток — то відэа назбірала больш за 4,7 мільёна праглядаў, піша «Камсамольская праўда».
У папулярнай сацсетцы Вольга апублікавала некалькіх сваіх ролікаў са скарбонкай. Праз год эксперыменту жанчына адкрыла скарбонку і паказала, колькі змагла назбіраць двухрублёвых манет. Гэтае відэа набрала ў TikTok рэкордную колькасць праглядаў — 4,7 мільёна праглядаў.
«Заўсёды, калі мне «прыходзілі» 2 рублі, я іх адкладвала. І так цэлы год. Самае цікавае, што я нават не адчула, што нейкіх двух рублёў мне дзесьці не хапае», — падзялілася яна сваім вопытам з падпісчыкамі.
Яшчэ жанчына параіла ўсім правесці такі эксперымент і прапанавала падпісчыкам адгадаць, якая сума ў выніку назапасілася ў двухрублёўвіках за год.
У іншым відэа яна ўсё ж раскрыла інтрыгу і назвала суму. За год Вользе змагла адкласці 326 беларускіх рублёў.
Дарэчы, іншая карыстальніца тыктока раней ужо праводзіла падобны грашовы эксперымент. Яна збірала тыя ж двухрублёвыя манеты цягам двух гадоў і назбірала 1100 рублёў. Аднак яе відэа, хоць таксама было дастаткова папулярным (амаль 420 тысяч праглядаў), такога фурору не зрабіла. Не ўсё залежыць ад сумы.
Выйшла на свабоду Антаніна Канавалава, давераная асоба Ціханоўскай у 2020 годзе1
Каментары