Расійскі фільм «Сведка», у якім разня ў Бучы прыпісваецца «ўкранацыстам», цалкам праваліўся ў пракаце
У расійскім пракаце праваліўся фільм «Сведка», які расказвае пра сітуацыю ва Украіне з пункту гледжання расійскай прапаганды і распавядае пра «ўкранацыстаў», піша The Insider.
Паводле даных Адзінай інфармацыйнай сістэмы, за чатыры дні пракату карціну паглядзела 19900 гледачоў. Фільм зарабіў за гэты час 7 млн рублёў пры бюджэце 200 млн рублёў. Цяпер яго агульныя зборы складаюць крыху больш за 8 млн 200 тысяч рублёў. Карціну знялі на грошы Міністэрства культуры РФ.
Украіна ў «Сведцы» вінаватая ва ўсім: у тэроры мірнага насельніцтва ў Бучы, у ракетным абстрэле вакзала ў Краматорску і разбурэнні радзільнага дома ў Марыупалі. Сам жа «сведка» — гэта бельгійскі скрыпач, які апынуўся ў Кіеве ў лютым 2022 года.
Першапачаткова карціна называлася «Музыкант», але яе перайменавалі пасля мяцяжу Яўгена Прыгожына і ПВК «Вагнер», наймітаў якой часта называюць «музыкамі». Згодна з сюжэтам фільма, украінскія вайскоўцы гвалцяць спадарожніцу галоўнага героя, а яго самога прымушаюць іграць «гімн люфтвафэ».
Пры гэтым французскі мультфільм «Лэдзі Баг і Суперкот: Абуджэнне сілы», які стартаваў разам са «Сведкам», сабраў у першы ўікэнд 152 млн рублёў, а агульныя яго зборы на сёння склалі 476 млн. Расійскі фільм «Чабурашка» сабраў у першыя выхадныя 4 млрд рублёў, а агулам на гэты момант — 6,78 млрд рублёў.
Прапагандыст Армен Гаспаран тлумачыць такія вынікі «складанай сістэмай» расійскага кінапракату. Паводле яго, у кінатэатрах «аўтаматычна, прычым штучна», уразаюць аўдыторыю фільма, ставячы яго сеанс на позні вечар.
Мяркуючы са статыстыкі, адзін сеанс «Сведкі» наведвае ў сярэднім усяго чатыры чалавекі.
Чытайце таксама:
Стала вядома, калі ў Мінску пачнуць паказваць «Барбі»
Ці сапраўды французскі лідар быў монстрам? У лістападзе на экранах — «Напалеон» Рыдлі Скота
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая114
Каментары