Мастачцы Жыгімонт прымроіліся «сатанізм» і «хахляцкі трызуб» у зусім нечаканым месцы
Мастачка Святлана Жыгімонт, вядомая фанатычнай адданасцю рэжыму Лукашэнкі і сяброўствам з інфаказачкай Вольгай Бондаравай, схільная, гэтак жа сама як і сяброўка, бачыць «крамолу» ў самых нечаканых месцах і ў самых, здавалася б, бяскрыўдных сітуацыях. Гэтым разам яна раптам апалчылася на рэкламу тэлерадыёкампаніі «Мир», багатай фантазіяй намаляваўшы ў ёй прапаганду сатанізму і «хахляцкага трызуба».
Малюнак, на які адрэагавала Жыгімонт. Карцінка з відэа для музычнага праекта тэлерадыёкампаніі «Мир».
Сваімі назіраннямі жанчына падзялілася ў персанальным тэлеграм-канале, заўважыў Reform.by.
«Ахрэнець! Адзін каментатар у Кроліка, паглядзеўшы на рэкламу тэлерадыёкампаніі «Мір», напісаў такі каментар: «А наогул, увесь дэманстраваны ёю вобраз: маляваныя распасцёртыя крылы, скрыжаваныя ўнізе ногі, рукі, выстаўленыя ў выглядзе рагоў, са знакам трох шасцёрак — лёгка пазнаецца».
Я спачатку падумала, што чалавек упаў у канспіралогію, але дзеля цікавасці загугліла, як выглядае жэст рукой, які азначае тры шасцёркі. Аказалася — і праўда, гэта менавіта той жэст, які дэманструе баба на фатаграфіі.
Як гэта разумець? Яшчэ яе пастава цалкам адпавядае хахляцкаму трызубу па чыстай выпадковасці. Але фіг з ім з трызубам, ад балды проста так скласці пальцы ў такую фігуру немагчыма», — заявіла Жыгімонт.
Сяброўка Жыгімонт Вольга Бондарава нядаўна прымусіла «Еўраопт» прыбраць са сваёй рэкламы папулярнага блогера з-за нібыта схаванай там «прапаганды ЛГБТ». І пры цяперашняй сітуацыі ў краіне нельга выключаць, што той жа лёс спасцігне і бяскрыўдны ў ідэалагічным сэнсе музычны праект тэлерадыёкампаніі «Мір», які абурыў Жыгімонт.
У Мінску на прэм’еру фільма з фэйкамі пра Бучу прыйшла толькі Бондарава з сяброўкамі
Хто такія вамбаты? Як лукашыстаў падзяліла на два лагеры адно пытанне
Праўладная мастачка Жыгімонт: Мне прад'явілі за георгіеўскую стужку. Я вішчала
Дэпутат Марзалюк выказаўся за пазітыўную дыскрымінацыю на карысць беларускай мовы. У часткі лукашыстаў палыхае
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі1
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары