Грамадства4646

Дэпутат Марзалюк выказаўся за пазітыўную дыскрымінацыю на карысць беларускай мовы. У часткі лукашыстаў палыхае

У ток-шоу на СТБ, прысвечаным моўнай сітуацыі ў краіне, дэпутат Ігар Марзалюк заклікаў да папулярызацыі беларускай мовы. Некаторыя прыхільнікі рэжыму накінуліся на яго за «русафобію».

Скрыншот СТБ

«Я лічу, што нам у любым выпадку трэба папулярызаваць беларускую мову, умацоўваць беларускамоўнае асяроддзе і ў тым ліку рабіць пэўныя захады, якія давалі б магчымасць кожнаму грамадзяніну вольна камунікаваць па-беларуску.

Я лічу, што рэжым пазітыўнай дыскрымінацыі — значыць умацавання беларускай мовы, бо ў яе іншай радзімы, акрамя Беларусі, няма — вельмі важны»,

выказаўся ў эфіры Марзалюк.

«Вой па вас пройдуцца некаторыя блогеры», — адпусціў рэпліку вядучы перадачы і галоўны рэдактар «Мінскага кур'ера» Кірыл Казакоў.

«Мне начхаць. Мы прыйшлі ў гэтую сітуацыю не ўчора і не ў 1991 годзе, я тут не буду актуалізаваць усе моманты, звязаныя з паланізацыяй і русіфікацыяй. Гэта маё суб'ектыўнае меркаванне, не камісіі, не парламента — я лічу, што было б правільна на сёння вярнуцца да той практыкі, якая была ў Міністэрстве адукацыі, калі гуманітарныя дысцыпліны (геаграфія Беларусі, гісторыя Беларусі, грамадазнаўства) выкладаліся толькі па-беларуску», — падзяліўся дэпутат.

Марзалюк дадаў, што такое мусіць быць і ў рускамоўных школах.

«Я заканчваў вясковую школу ў Краснапольскім раёне. Калі мне расказваюць, што матэматыку, альбо фізіку, альбо хімію нельга выкладаць на беларускай мове, гэта смешна, таму што мне выкладалі ўвесь комплекс дысцыплін, за выключэннем рускай мовы і літаратуры, па-беларуску».

Сваімі словамі Марзалюк абурыў некаторых лукашыстаў і прарасійскіх дзячаў.

«Як вам такое? Быццам Оруэла чытаю. Але праходзіцца па Марзалюку я не буду. Яму ўсё адно «начхаць», — адрэагавала мастачка Святлана Жыгімонт.

«Падобна, пачалося ўсё спачатку, зноў беларусізатары з пазітыўнай дыскрымінацыяй павылазілі», — пішуць яе аднадумцы ў каментарах. 

«Чаму так адкрыта ўбіваецца раскол проста з экранаў дзяржСМІ?»

Марзалюка абвінавацілі ў русафобіі, паспелі ахрысціць і «панам», і «бэчэбэшнікам».

Блізкі да сілавікоў тэлеграм-канал напісаў, што дэпутат заклікае да дыскрымінацыі рускай мовы (праўда, пасля пост выдаліў).

«Беларускі дэпутат Марзалюк на дзяржаўным беларускім канале заявіў аб неабходнасці дыскрымінацыі па моўным прынцыпе. Беларуская мова, паводле Марзалюка, павінна стаць дамінуючай, а тытульная нацыя ў Рэспубліцы Беларусь — беларусы. Чым гэта адрозніваецца ад распальвання нацыянальнай і моўнай варожасці?» — незадаволена напісала прарасійская дзяячка з Віцебска Эльвіра Мірсалімава.

Каментары46

  • Ваша iмя
    22.02.2023
    Беларусофобы ўскрылiся як кансервныя банкi!
  • морс
    22.02.2023
    Чо они возбудились? Российский язык никто не ущемляет и не запрещает. 
  • даведка
    22.02.2023
    Вчера в Минске открыли мемориальную доску народному артисту Михаилу Финбергу, который, как особо подчёркивалось в сюжете, давал свои интервью исключительно на беларускай мове. По этому случаю солист его оркестра Руслан Мусвидас сказал несколько добрых слов о маэстро на русском языке для БТ, а уже через секунду его демонстрируют на заднем плане орущим в микрофон на беларускай мове...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома, хто ўзначаліў мінскі АМАП замест Балабы. Гэта скандальны герой тэлефонных зліваў8

Стала вядома, хто ўзначаліў мінскі АМАП замест Балабы. Гэта скандальны герой тэлефонных зліваў

Усе навіны →
Усе навіны

Амерыканцы папрасілі адмяніць выхад да прэсы пасля сустрэчы Зяленскага з Келагам14

Вялікая Кітайская сцяна «пастарэла» на 300 гадоў

Трамп сцвярджае, што ЗША выдзелілі на Украіну значна больш грошай, чым Еўропа. Лічбы кажуць пра адваротнае16

ЗША запатрабавалі не называць Расію «агрэсарам» у заяве G7 па Украіне38

У Магілёве прайшло шэсце да памятнага знаку ахвярам палітычных рэпрэсій6

Як цяпер выглядае былы мінскі аўтавакзал «Усходні» ФОТЫ6

Вынеслі прысуд экс-кіраўніку Іспанскай федэрацыі футбола, які пацалаваў у вусны футбалістку1

У Магілёве медсёстры будуць ганяць па бальніцы на скутарах і трыцыклах ФОТАФАКТ3

Pet Shop Boys выпусцілі песню ў памяць Аляксея Навальнага. Яна спяваецца на манер расійскага гімна

больш чытаных навін
больш лайканых навін

Стала вядома, хто ўзначаліў мінскі АМАП замест Балабы. Гэта скандальны герой тэлефонных зліваў8

Стала вядома, хто ўзначаліў мінскі АМАП замест Балабы. Гэта скандальны герой тэлефонных зліваў

Галоўнае
Усе навіны →

Заўвага:

 

 

 

 

Закрыць Паведаміць