На літоўска-беларускай мяжы ў Лаварышках тых, хто едзе з Беларусі, абнюхвае і абшуквае сабака. І атрымлівае за гэта пачастунак
У звычайны працоўны дзень праз КПП у Лаварышках (з беларускага боку — «Катлоўка») праязджае няшмат машын. Ахвотныя трапіць у Літву павінны прайсці пільны надгляд. Ён пачынаецца з праверкі дакументаў, пазней аглядаюць транспартны сродак і рэчы, якія вязуць людзі. Рэчы абнюхваюць службовыя сабакі. Адзін з іх — Ёга, піша Delfi.lt.
«Мы спачатку аглядаем кузаў звонку. Я паказваю Ёгу, дзе шукаць. Калі бачу, што ён кідаецца, паказваю канкрэтнае месца. Калі ён абыходзіць кузаў, мы аглядаем салон. Я адкрываю дзверы машыны, даю панюхаць, звяртаю ўвагу на месцы, дзе сабака не нюхаў. Калі бачу, што нешта прапусціў, паўтараю каманду. Потым пераходжу да іншых дзвярэй. У канцы аглядаем багажнік, прашу чалавека дастаць рэчы і даць іх сабаку абнюхаць», — распавяла супрацоўніца мытні Рамена Баўрэне.
На пытанне, як сабака паказвае наяўнасць нелегальных тавараў: «Калі знаходзіць, спыняецца, замірае». Калі сабака знаходзіць кантрабанду, ён радуецца — за гэта яму даецца пачастунак або чакае гульня.
«Базавы курс навучання сабакі складае 180 гадзін, пасля гэтага ідуць пастаянныя трэніроўкі, нагадванні, матывацыя або мячыкам, або цацкай. Праверку можа ўскладніць спякота, часам пасажыры вязуць з сабой катоў — гэта таксама перашкода, трэба прасіць прыбраць жывёлу з машыны. Усякае бывае. Сабакі — жывыя істоты, на іх уплываюць розныя фактары. Часам можа быць праблема са здароўем.
Працягласць праверкі залежыць ад таго, як працуе сабака. Важна, каб ён не стаміўся. Вось цяпер я бачу, што сабака нічым не зацікавіўся, а нюхае старанна. Ён сам радуецца, калі нешта знаходзіць, таму пасля знаходак матывацыя павышаецца», — сказала Баўрэне.
Ад тыпу транспартнага сродку і спосабу перавозкі залежыць колькасць кантрабанды.
Паводле даных Мытнага дэпартамента, калі яе хаваюць у канструкцыі паўпрычэпа (часцей за ўсё ў падлозе або столі) то гаворка ідзе пра дзясяткі ці сотні тысяч пачкаў. Да дзёрзкіх спосабаў перавозкі адносяцца такія выпадкі, калі кантрабанду вязуць, толькі злёгку прыкрыўшы яе афіцыйным грузам, напрыклад, агуркамі, торфам і г. д. Падчас такіх знаходак налічваюць да 1000 скрынак з цыгарэтамі (каля 0,5 млн. пачкаў). Для ўважлівага кантролю мытня выкарыстоўвае рэнтген — на ім праглядаюць і легкавыя і грузавыя аўтамабілі.
«Рэнтгенаўская праверка пачынаецца з таго, што супрацоўнікі мытні ацэньваюць рызыку і накіроўваюць машыну на праверку», — распавёў інспектар-рэнтгенолаг Дар'юшас Дэкявічус.
Спецыялісты запускаюць транспартны сродак у спецыяльны ангар, кіроўцу запрашаюць у асобнае памяшканне, інфармуюць пра шкоду радыяцыі для чалавека. Пакуль тэхніку скануюць, кіроўца знаходзіцца ў асобным памяшканні і чакае.
«Вынікі аналізуюць крыміналісты і даюць далейшыя распараджэнні. Працэс доўжыцца 10-15 хвілін. Калі заўважаюць нешта падазронае, то машына едзе ў іншы ангар, там яе разгружаюць і г. д.», — сказаў Дэкявічус.
Паводле яго, кантрабандысты імкнуцца выдумляць усё больш дасканалыя спосабы перавозкі кантрабанды. На пытанне, якую самую вялікую кантрабанду ўдалося затрымаць яму асабіста, Дэкявічус адказаў: «2000 пачкаў, у грошах гэта 3 млн еўра. Гэта было ў канцы сакавіка».
У Сейме Літвы сёння абмяркуюць іміграцыйныя тэндэнцыі: магчыма ўзмацненне строгасці палітыкі
«Гэта павінна быць аплачана Беларусі». Польшча гатова адкрыць пункты пропуску, калі Лукашэнка пойдзе на саступкі
Наўседа наведаў літоўска-беларускую мяжу: «сітуацыя з непрадказальным суседам застаецца напружанай»
У Літве папрасілі прэзідэнта не выганяць з краіны беларускіх дальнабойнікаў
«Адстаю за вас». За колькі прадаюць месца ў чарзе на мяжы з Літвой і Польшчай
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»2
Каментары