Na litoŭska-biełaruskaj miažy ŭ Łavaryškach tych, chto jedzie ź Biełarusi, abniuchvaje i abšukvaje sabaka. I atrymlivaje za heta pačastunak
U zvyčajny pracoŭny dzień praz KPP u Łavaryškach (ź biełaruskaha boku — «Katłoŭka») prajazdžaje niašmat mašyn. Achvotnyja trapić u Litvu pavinny prajści pilny nadhlad. Jon pačynajecca z pravierki dakumientaŭ, paźniej ahladajuć transpartny srodak i rečy, jakija viazuć ludzi. Rečy abniuchvajuć słužbovyja sabaki. Adzin ź ich — Joha, piša Delfi.lt.
«My spačatku ahladajem kuzaŭ zvonku. Ja pakazvaju Johu, dzie šukać. Kali baču, što jon kidajecca, pakazvaju kankretnaje miesca. Kali jon abychodzić kuzaŭ, my ahladajem sałon. Ja adkryvaju dźviery mašyny, daju paniuchać, źviartaju ŭvahu na miescy, dzie sabaka nie niuchaŭ. Kali baču, što niešta prapuściŭ, paŭtaraju kamandu. Potym pierachodžu da inšych dźviarej. U kancy ahladajem bahažnik, prašu čałavieka dastać rečy i dać ich sabaku abniuchać», — raspaviała supracoŭnica mytni Ramiena Baŭrenie.
Na pytańnie, jak sabaka pakazvaje najaŭnaść nielehalnych tavaraŭ: «Kali znachodzić, spyniajecca, zamiraje». Kali sabaka znachodzić kantrabandu, jon radujecca — za heta jamu dajecca pačastunak abo čakaje hulnia.
«Bazavy kurs navučańnia sabaki składaje 180 hadzin, paśla hetaha iduć pastajannyja treniroŭki, nahadvańni, matyvacyja abo miačykam, abo cackaj. Pravierku moža ŭskładnić śpiakota, časam pasažyry viazuć z saboj katoŭ — heta taksama pieraškoda, treba prasić prybrać žyviołu z mašyny. Usiakaje byvaje. Sabaki — žyvyja istoty, na ich upłyvajuć roznyja faktary. Časam moža być prablema sa zdaroŭjem.
Praciahłaść pravierki zaležyć ad taho, jak pracuje sabaka. Važna, kab jon nie stamiŭsia. Voś ciapier ja baču, što sabaka ničym nie zacikaviŭsia, a niuchaje staranna. Jon sam radujecca, kali niešta znachodzić, tamu paśla znachodak matyvacyja pavyšajecca», — skazała Baŭrenie.
Ad typu transpartnaha srodku i sposabu pieravozki zaležyć kolkaść kantrabandy.
Pavodle danych Mytnaha departamienta, kali jaje chavajuć u kanstrukcyi paŭpryčepa (čaściej za ŭsio ŭ padłozie abo stoli) to havorka idzie pra dziasiatki ci sotni tysiač pačkaŭ. Da dziorzkich sposabaŭ pieravozki adnosiacca takija vypadki, kali kantrabandu viazuć, tolki źlohku prykryŭšy jaje aficyjnym hruzam, naprykład, ahurkami, torfam i h. d. Padčas takich znachodak naličvajuć da 1000 skrynak z cyharetami (kala 0,5 młn. pačkaŭ). Dla ŭvažlivaha kantrolu mytnia vykarystoŭvaje renthien — na im prahladajuć i lehkavyja i hruzavyja aŭtamabili.
«Renthienaŭskaja pravierka pačynajecca z taho, što supracoŭniki mytni aceńvajuć ryzyku i nakiroŭvajuć mašynu na pravierku», — raspavioŭ inśpiektar-renthienołah Darjušas Dekiavičus.
Śpiecyjalisty zapuskajuć transpartny srodak u śpiecyjalny anhar, kiroŭcu zaprašajuć u asobnaje pamiaškańnie, infarmujuć pra škodu radyjacyi dla čałavieka. Pakul techniku skanujuć, kiroŭca znachodzicca ŭ asobnym pamiaškańni i čakaje.
«Vyniki analizujuć kryminalisty i dajuć dalejšyja rasparadžeńni. Praces doŭžycca 10-15 chvilin. Kali zaŭvažajuć niešta padazronaje, to mašyna jedzie ŭ inšy anhar, tam jaje razhružajuć i h. d.», — skazaŭ Dekiavičus.
Pavodle jaho, kantrabandysty imknucca vydumlać usio bolš daskanałyja sposaby pieravozki kantrabandy. Na pytańnie, jakuju samuju vialikuju kantrabandu ŭdałosia zatrymać jamu asabista, Dekiavičus adkazaŭ: «2000 pačkaŭ, u hrošach heta 3 młn jeŭra. Heta było ŭ kancy sakavika».
U Siejmie Litvy siońnia abmiarkujuć imihracyjnyja tendencyi: mahčyma ŭzmacnieńnie strohaści palityki
«Heta pavinna być apłačana Biełarusi». Polšča hatova adkryć punkty propusku, kali Łukašenka pojdzie na sastupki
Naŭsieda naviedaŭ litoŭska-biełaruskuju miažu: «situacyja ź niepradkazalnym susiedam zastajecca napružanaj»
U Litvie paprasili prezidenta nie vyhaniać z krainy biełaruskich dalnabojnikaŭ
«Adstaju za vas». Za kolki pradajuć miesca ŭ čarzie na miažy ź Litvoj i Polščaj
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary