Індыя запусціла ў космас ракету для вывучэння Сонца ў рамках сваёй першай сонечнай місіі. Ракета-носьбіт Polar Satellite Launch Vehicle (PSLV) паспяхова вывела на калязямную арбіту касмічную абсерваторыю Aditya-L1. Трансляцыю запуску, якая вялася на ютуб-канале Індыйскай арганізацыі касмічных даследаванняў, паглядзелі ўжо больш за 5 мільёнаў чалавек.
Пункт прызначэння касмічнага апарата знаходзіцца на адлегласці 1,5 мільёна кіламетраў ад Зямлі, шлях зойме каля чатырох месяцаў. У задачу апарата ўваходзіць назіранне за вонкавымі пластамі Сонца, а таксама вывучэнне фактараў, якія ўплываюць на касмічнае надвор'е.
23 жніўня Індыя стала першай краінай, якой удалося пасадзіць свой апарат на паўднёвым полюсе Месяца. Палёт да Месяца доўжыўся амаль тры тыдні. Месяцаход і пасадачны модуль павінны прапрацаваць на спадарожніку Зямлі адзін месяцавы дзень — 14,5 зямных сутак. Яны будуць вывучаць сейсмічную актыўнасць, грунт і экзасферу.
Паралельна з індыйцамі апарат «Луна-25» на Месяц з вялікай помпай запускала і пуцінская Расія, але ён у выніку да месца прызначэння не даляцеў.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары