Indyja zapuściła ŭ kosmas rakietu dla vyvučeńnia Sonca ŭ ramkach svajoj pieršaj soniečnaj misii. Rakieta-nośbit Polar Satellite Launch Vehicle (PSLV) paśpiachova vyvieła na kalaziamnuju arbitu kaśmičnuju absiervatoryju Aditya-L1. Tranślacyju zapusku, jakaja viałasia na jutub-kanale Indyjskaj arhanizacyi kaśmičnych daśledavańniaŭ, pahladzieli ŭžo bolš za 5 miljonaŭ čałaviek.
Punkt pryznačeńnia kaśmičnaha aparata znachodzicca na adlehłaści 1,5 miljona kiłamietraŭ ad Ziamli, šlach zojmie kala čatyroch miesiacaŭ. U zadaču aparata ŭvachodzić nazirańnie za vonkavymi płastami Sonca, a taksama vyvučeńnie faktaraŭ, jakija ŭpłyvajuć na kaśmičnaje nadvorje.
23 žniŭnia Indyja stała pieršaj krainaj, jakoj udałosia pasadzić svoj aparat na paŭdniovym polusie Miesiaca. Palot da Miesiaca doŭžyŭsia amal try tydni. Miesiacachod i pasadačny modul pavinny prapracavać na spadarožniku Ziamli adzin miesiacavy dzień — 14,5 ziamnych sutak. Jany buduć vyvučać siejśmičnuju aktyŭnaść, hrunt i ekzaśfieru.
Paralelna ź indyjcami aparat «Łuna-25» na Miesiac ź vialikaj pompaj zapuskała i pucinskaja Rasija, ale jon u vyniku da miesca pryznačeńnia nie dalacieŭ.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im3
Kamientary