Брытанская банкаўская група HSBC (Hongkong and Shanghai Banking Corporation) у кастрычніку спыніць ажыццяўляць грашовыя пераводы ў Расію і Беларусь для сваіх карпаратыўных кліентаў, паведамляе Myfin.by.
Як паведамляецца, HSBC, якая базуецца ў Лондане і з'яўляецца найбуйнейшым еўрапейскім банкам па сукупных актывах, а таксама ўваходзіць у топ-10 па гэтым паказчыку ў свеце, яшчэ ў мінулым месяцы накіравала паведамленні сваім бізнэс-кліентам аб тым, што з 27 кастрычніка яна больш не будзе абслугоўваць камерцыйныя плацяжы ў абедзве краіны з-за «ўсё больш складанай нарматыўна-прававой сітуацыі».
У разасланых кампаніяй лістах паведамлялася, што гэтая пастанова была прынятая з мэтай «мінімізацыі аперацыйнай нагрузкі на Расію і Беларусь нават у тых выпадках, калі такая дзейнасць дазволеная дзейным заканадаўствам і нарматыўнымі актамі».
Прадстаўнікі HSBC заявілі, што група па-ранейшаму разлічвае завяршыць продаж свайго расійскага бізнэсу мясцоваму крэдытору Expobank у 2023 годзе, аднак здзелка ўсё яшчэ чакае адабрэння мясцовых органаў, пры гэтым, паводле іх слоў, новыя абмежаванні на грашовыя пералічэнні не звязаны з перадачай актываў, што маюць адбыцца.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары