Культура2121

Колькі мужчыны думаюць пра Рымскую імперыю? Адказы здзіўляюць жанчын

«Колькі мужчыны думаюць пра Рымскую імперыю?» Гэтае пытанне, а дакладней кажучы, адказы на яго, разварушылі сацыяльныя сеткі. У TikTok з’явілася вялікая колькасць відэа, на якіх жанчыны пытаюць пра гэта ў сваіх мужчын, і адказы іх трохі шакуюць.

Жанчыны нарэшце даведаліся, пра што думаюць мужчыны, і былі вельмі здзіўленыя. Калаж: Наша Ніва

Усё пачалася з таго, што адна карыстальніца напісала ў твітары, што яна наткнулася на інфармацыю пра тое, што шмат хто з жанчын нават не ведае, як часта мужчыны думаюць пра Рымскую імперыю.

Яна вырашыла адразу ж спытаць пра гэта ў свайго мужа. Той адказаў, што думае пра яе кожны дзень.

Такі адказ моцна здзівіў не толькі жонку, але і карыстальнікаў сацсеткі. Твіт сабраў больш за 8 мільёнаў праглядаў. Іншыя жанчыны вырашылі спытаць тое самае і ў сваіх мужчын, здымаючы адказы на відэа.

Выявілася, што пераважная большасць мужчын пастаянна думае пра Рымскую імперыю: хто штодзень, хто раз на тыдзень. Тых, хто зусім не думае пра Рым, зусім няшмат. «Навошта?» — не разумеюць жанчыны. «Як можна пра Рымскую імперыю не думаць?» — дзівяцца іхняму пытанню мужчыны. 

Паводле меркавання некаторых гісторыкаў, адным з тлумачэнняў можа быць тое, што заходні свет гістарычна пераацэньвае тыя аспекты рымскай гісторыі, якія ў народным уяўленні асацыяваліся з мужнасцю. Але насамрэч мужчын, якія тлумачаць свае думкі пра імперыю вайсковай моццу і рамантычнымі ўяўленнямі пра легіянераў (як тое часта бывае з вікінгамі ды рыцарамі), вельмі мала.

У большасці выпадкаў сваю зацікаўленасць Рымам мужчыны тлумачаць эфектыўным дзяржаўным кіраваннем, развітым правам, культурай, тэхналогіямі — усімі тымі здабыткамі, якімі дагэтуль карыстаецца заходняя цывілізацыя.

@ambarrail

This trend is incredible. Some of the best ones #romanempire #romanempirecompilation

♬ original sound - ambarrai

А як часта пра Рымскую імперыю думаюць беларускія мужчыны? Гэтым пытаннем задаліся жанчыны ў твітары. Як выявілася — гэтак жа шмат. 

Тэрыторыя сённяшняй Беларусі ніколі не ўваходзіла ў склад імперыі і нават не межавала з ёю, хоць гандлёвыя сувязі, мяркуючы са скарбаў рымскіх манет, усё ж дацягваліся і дасюль. Але ўплыў, перададзены праз культуру Візантыі (гэты тэрмін быў выдуманы з ідэалагічных прычын нямецкімі гісторыкамі, у якіх была свая Свяшчэнная Рымская імперыя, але сама Візантыя яшчэ 1000 гадоў пасля падзення Вечнага горада называла сябе менавіта Рымскай імперыяй) ды хрысціянства, на беларускія землі быў каласальны.

Беларускія твітарчукі тлумачаць сваю зацікаўленасць тым, што Рымская імперыя была пачаткам заходняй цывілізацыі, у якой жывём і мы, яе права было пакладзена ў аснову сучаснага права, а лацінская мова аказала значны ўплыў на ўсе еўрапейскія мовы (некаторыя наўпрост пайшлі ад яе), у тым ліку беларускую. 

Сярод іншых тэм, пра якія думаюць беларускія мужчыны ўвесь час, называецца Вялікае Княства Літоўскае. Калі Рымская імперыя аснова нашай цывілізацыі, то ВКЛ — аснова беларускай культуры.

«Наша Нiва» — бастыён беларушчыны

ПАДТРЫМАЦЬ

Каментары21

  • 75
    18.09.2023
    Не может быть так, что над исходной женщиной муж просто пошутил, а она это всерьёз воспринялва? И дальше по цепочке?
  • А999
    18.09.2023
    У нас совкодрочеры рэгулярна думаюць пра імперыю зла - маскавіцкі улус.
  • Пуаро
    18.09.2023
    Минимум пять раз в неделю))

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны16

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны43

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны16

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць