За лета і верасень былі ліквідаваныя 11 партый, адна партыя знаходзіцца ў стане ліквідацыі.
Вярхоўны суд ліквідаваў учора партыю «Справядлівы свет», паведамляе «Позірк».
На думку сябраў ліквідаванай арганізацыі, з гэтага моманту ў Беларусі «больш няма партый» з «адрозным ад дзейнай улады поглядам на стан рэчаў у краіне».
Найбліжэйшым часам сябры «Справядлівага свету» зоймуцца «стварэннем новай палітычнай партыі», якая будзе выступаць за «дэмакратычны і сацыялістычны шлях развіцця дзяржавы і грамадства».
2 чэрвеня партыя падала дакументы на перарэгістрацыю без спісу сябраў — з меркаванняў бяспекі. 30 чэрвеня Мінюст ёй у гэтым адмовіў. 26 верасня Вярхоўны суд адхіліў скаргу на адмову ведамства перарэгістраваць «Справядлівы свет».
На пачатку 2023 года ў Беларусі былі 15 партый.
Сёлета ўлетку і ўвосень былі ліквідаваныя яшчэ дзесяць палітычных структураў (пад раздачу трапілі і праўладныя партыі): Партыя БНФ, Кансерватыўна-хрысціянская партыя — БНФ, Беларуская партыя «Зялёныя», Беларуская сацыял-дэмакратычная Грамада, Беларуская сацыял-дэмакратычная партыя «Грамада», Аб’яднаная грамадзянская партыя, Беларуская патрыятычная партыя, Рэспубліканская партыя, Сацыял-дэмакратычная партыя народнай згоды, Беларуская сацыяльна-спартыўная партыя.
У працэсе самаліквідацыі знаходзіцца Беларуская аграрная партыя.
Такім чынам, у Беларусі дзейнічаюць чатыры партыі.
Былі перарэгістраваныя Камуністычная партыя Беларусі, Ліберальна-дэмакратычная партыя, Рэспубліканская партыя працы і справядлівасці. Была зарэгістраваная партыя «Белая Русь».
-
«Вялікі абсалютна чалавек». Коля Лукашэнка расказаў, што для яго бацька і ў чым ягоная апазіцыйнасць
-
Беларус Арцём запусціў у Польшчы збор на дапамогу сабе. Многія паверылі, а ён аказаўся махляром
-
У мінскіх гандлёвых цэнтрах і кавярнях цяпер не будуць уключаць сусветныя навагоднія хіты. Затое даюць зарабіць праўладным артыстам
Здаюць у арэнду катэдж загінулага хакеіста Цыплакова ў Драздах. Вось інтэр'еры ФОТЫ19
Каментары