У Ізраілі ў баі з ХАМАС загінула 25-гадовая ўраджэнка Беларусі. Яна працавала ў паліцыі
Ураджэнка Беларусі, 25-гадовая Алена Астапенка загінула 7 кастрычніка. Яна працавала ў паліцыі і падчас нападу ХАМАС патрулявала вуліцы, піша канал «Осторожно, новости».
Алена Астапенка пераехала ў Ізраіль з мамай і старэйшай сястрой у 2000 годзе. Сямʼя эмігравала з Рэчыцы, Алене тады было два гады.
«Яна была вельмі добрай дзяўчынкай, я яе памятаю, калі была маленькай», — распавёў выданню сябар сямʼі.
У Ізраілі Алена скончыла школу, пасля адслужыла тэрміновую службу ў войску, у апошні час жыла на поўдні краіны і працавала ў паліцыі.
Сябры сямʼі адзначаюць, што сама Алена не распаўсюджвалася пра сваю дзейнасць: некаторыя з іх толькі з навін даведаліся, што яна служыла ў паліцыі.
Раніцай 7 кастрычніка падчас нападу баевікоў ХАМАС на паўднёвыя паселішчы Ізраіля Алена патрулявала ўчастак у горадзе Афакім. Разам з іншымі паліцэйскімі і байцамі ЦАХАЛ адбівала напады баевікоў.
Як распавяла каналу «Осторожно, новости» мама Алены, дзяўчыну пахавалі ўчора ноччу.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары