ЦАХАЛ працягвае наносіць маштабныя ўдары па сектары Газа.
«Кожны ўдзельнік ХАМАС — мярцвяк», — заявіў прэм'ер Ізраіля Біньямін Нетаньяху.
Групоўка ХАМАС здзейсніла «ашаламляльнае злачынства» і нанесла велізарны боль ізраільцянам, кожны жыхар краіны ведае сям'ю, дзе каго-небудзь забілі падчас нападу, заявіў Нетаньяху.
«Мы бачылі жывёл. Мы сутыкнуліся з варварамі. Мы ўбачылі жорсткага ворага. Вораг горшы за ІДІЛ (Ісламскую дзяржаву). Мы бачылі звязаных хлопчыкаў і дзяўчынак з прастрэленымі галовамі. Мужчыны і жанчыны згаралі жыўцом. Маладых жанчын гвалтавалі і забівалі. Байцы абезгалоўлены», — цытуе Нетаньяху РБК.
«Мы знішчым з твару зямлі так званы ХАМАС, ІДІЛ з сектара Газа. Ён перастане існаваць», — паабяцаў у сваю чаргу ізраільскі міністр абароны Яаў Галант.
Армія абароны Ізраіля (ЦАХАЛ) працягвае наносіць маштабныя ўдары па аб'ектах групоўкі ХАМАС у сектары Газа, гаворыцца ў паведамленні ЦАХАЛ.
Адначасова палесцінскае Міністэрства аховы здароўя паведаміла, што колькасць загінулых у сектары вырасла да 1200 чалавек — гэта адбылося ў тым ліку праз узмацненне ізраільскіх бамбардзіровак. Колькасць параненых вырасла да 5600 чалавек.
Упраўленне ААН па каардынацыі гуманітарных пытанняў паведаміла, што атакі ЦАХАЛ на сектар Газы знішчылі або зрабілі непрыдатнымі для жыцця 2540 адзінак жылля. Яшчэ 22 850 адзінак жылля атрымалі сярэдні ці нязначны ўрон, піша newsru.co.il.
Больш за 338 тысяч чалавек былі вымушаныя пакінуць свае дамы ў сектары Газа.
Каналізацыйныя збудаванні, якія абслугоўваюць больш за мільён чалавек, сур'ёзна пашкоджаны, у выніку чаго на вуліцах ёсць «цвёрдыя адходы», што парушае санітарныя нормы і нясе сабой пагрозу для здароўя насельніцтва.
У Ізраілі ў баі з ХАМАС загінула 25-гадовая ўраджэнка Беларусі. Яна працавала ў паліцыі
На фестывалі ў Ізраілі загінула дзяўчына з Бразіліі. Яе родныя баяліся, што на пахаванні будзе мала людзей, і напісалі пра гэта ў сетках. А вось як было
Пуцін агучыў пазіцыю Расіі наконт сітуацыі ў Ізраілі
Адзіная электрастанцыя сектара Газа спыніла працу
Цяпер чытаюць
Коўл: Лукашэнка адпусціць 25 чалавек у абмен на санкцыі на «Лакафарбу» і «Беллеспаперпрам»3
Коўл: Лукашэнка адпусціць 25 чалавек у абмен на санкцыі на «Лакафарбу» і «Беллеспаперпрам»
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары