Трэці квартал 2023 года быў актыўным для рынку ва ўсёй краіне: сумарны попыт стаў максімальным за ўсю гісторыю назірання. Нягледзячы на гэта, у большасці буйных гарадоў краіны кватэры сталі таннейшымі. Што адбывалася на рынку нерухомасці ў рэгіёнах Беларусі — чытайце ў аналітыцы Realt.
Попыт на рынку кватэр у Мінску ў ліпені-верасні 2023 года быў на вельмі высокім узроўні, устанавіўшы новы максімум за ўсю гісторыю назірання. У параўнанні з трэцім кварталам мінулага года колькасць здзелак куплі-продажу павялічылася на 12%.
У большасці абласных цэнтраў попыт на кватэры адносна мінулага года павялічыўся. Істотней за ўсё вырасла колькасць здзелак у Брэсце — плюс 20%, крыху менш (+15%) — у Гродне.
Выключэннем сталі Віцебск і Магілёў, дзе колькасць здзелак знізілася на 9 працэнтаў і 13 працэнтаў адпаведна. Тым не менш актыўнасць пакупнікоў у гэтых гарадах усё роўна заставалася высокай.
Такая ж дынаміка назіралася і ў буйных гарадах краіны. Рост актыўнасці пакупнікоў назіраўся амаль ва ўсіх гарадах, больш істотна — у Маладзечне (27%) і Барысаве (10%).
Зніжэнне попыту да трэцяга квартала мінулага года было зафіксавана ў трох гарадах: Полацку (-15%), Оршы (-9%) і Лідзе (-1,3%).
У выніку сумарны попыт у 3 квартале 2023 г. стаў максімальным за ўсю гісторыю назірання.
Якія кватэры выбіралі?
Найбольшым попытам у жыхароў краіны карысталіся двухпакаёвыя кватэры — з імі ў сярэднім заключылі 41% усіх здзелак. Максімальная доля двушак была ў Полацку, Лідзе і Наваполацку — тут амаль кожная другая прададзеная кватэра была 2-пакаёвай.
«Аднапакаёўкі» набывалі ў 32% выпадкаў. Найменшай іх доля ў агульным попыце была ў Гродне — 23%. А найбольшай — у Маладзечне, дзе аднапакаёўкі куплялі ў 40% усіх здзелак.
Трохпакаёвыя кватэры ў сярэднім займалі 23% усіх здзелак. Найменшая доля трохпакаёвых кватэр была ў Наваполацку і Барысаве (18% і 19% адпаведна). У Бабруйску і Мазыры, наадварот, трохпакаёўкі куплялі ў 29% выпадкаў.
Асноўная маса прададзеных кватэр у буйных гарадах рэгіёну размяшчалася ў дамах 1971-1990 гадоў пабудовы, крыху радзей выбіралі кватэры ў дамах яшчэ больш старых — ад 1950 да 1971 года пабудовы.
Кватэры ў новых дамах (пабудаваных пасля 2010 года) традыцыйна часцей фігуравалі ў здзелках у Гродне — кожная другая кватэра была ў новым доме, і ў Брэсце — кожная трэцяя.
У большасці гарадоў кватэры за квартал сталі таннейшымі
У параўнанні з папярэднім кварталам у Мінску сярэдні кошт прададзеных кватэр вырас на 2%, а за год — плюс 7%.
Сярод абласных цэнтраў больш істотна змяніліся цэны на кватэры Магілёве і Брэсце, дзе квадрат стаў даражэйшым у сярэднім на 2,6%.
Таксама квадратны метр падаражэў у Гродне — плюс 2,2% да чэрвеня 2023 года.
У Віцебску і Гомелі, наадварот, кватэры куплялі ў сярэднім крыху танней — на 1,7% і 0,6% адпаведна.
За год сярэднія кошты квадратнага метра выраслі амаль ва ўсіх абласных цэнтрах: у Брэсце — на 10%, у Магілёве — на 7%, у Гомелі і Віцебску — на 5% у абодвух выпадках, і толькі ў Гродне — мінус 3,5%.
Сярод буйных гарадоў максімальны рост сярэдніх цэнаў квадратнага метра ў заключаных здзелках адзначаўся ў Пінску (+4% да мінулага квартала). Адмоўнай дынаміка была ў васьмі гарадах, самай істотнай у Салігорску — мінус 4,2%.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары