Прадстаўнікі ЗША і ЕC абмяркоўваюць з Украінай магчымасць перамоваў з Расіяй — NBC
Размова ў тым ліку ішла пра тое, ад чаго Украіне прыйдзецца адмовіцца, каб дасягнуць дамоўленасцяў.
Чыноўнікі з ЗША і Еўрасаюза пачалі абмяркоўваць з Украінай магчымасць правядзення мірных перамоваў з Расіяй, паведамляе NBC News са спасылкай на неназваных амерыканскіх чыноўнікаў.
Па звестках тэлеканала, у гэтых абмеркаваннях ў прыватнасці гаворка ішла пра тое, ад чаго Украіне, магчыма, прыйдзецца адмовіцца, каб дасягнуць дамоўленасцяў.
Адно з такіх абмеркаванняў адбылося ў мінулым месяцы на пасяджэнні кантактнай групы па пытаннях абароны Украіны ў фармаце «Рамштайн».
Па словах крыніц тэлеканала, гэтыя дыскусіі з'яўляюцца адлюстраваннем сітуацыі на фронце і палітычнай сітуацыі ў Еўропе і ЗША.
Абмеркаванні пачаліся на фоне асцярог амерыканскіх і еўрапейскіх чыноўнікаў наконт таго, што вайна зайшла ў тупік, а патрэба аказваць дапамогу Украіне застаецца, заявілі чыноўнікі.
Яны кажуць, што ва ўрадзе ЗША занепакоеныя тым, наколькі менш увагі грамадскасці прыцягвае вайна ва Украіне з моманту пачатку канфлікту паміж Ізраілем і ХАМАС. Чыноўнікі асцерагаюцца, што такое змяненне можа ўскладніць атрыманне дадатковай дапамогі для Украіны.
Чыноўнікі таксама заяўлялі, што Украіна, імаверна, будзе мець час да канца года ці крыху больш, перш чым пачнуцца больш тэрміновыя дыскусіі аб мірных перамовах. Амерыканскія чыноўнікі падзяліліся сваімі думкамі адносна такіх тэрмінаў з еўрапейскімі саюзнікамі, адзначае тэлеканал.
Як сказалі двое амерыканскіх чыноўнікаў, адміністрацыя Байдэна не мае ніякіх прыкмет таго, што Уладзімір Пуцін гатовы да перамоваў з Украінай.
З іх слоў, Пуцін усё яшчэ мяркуе, што можа «перачакаць Захад» або працягваць ваяваць да таго часу, пакуль ЗША і іх саюзнікі не спыняць падтрымку Украіны ці пакуль барацьба за пастаўкі Кіеву зброі і боепрыпасаў не стане занадта дарагой.
Што папярэднічала: у верасні кіраўнік МЗС Украіны Дзмітрый Кулеба заяўляў, што Украіна не можа весці мірныя перамовы з Пуціным, бо таму нельга давяраць. Ён таксама сказаў, што развязаную Расіяй вайну нельга спыніць, сеўшы за стол перамоваў, нагадвае «Украінская праўда».
«Патрэбныя новыя тэхналогіі, каб прарвацца ў такой вайне». Залужны апублікаваў новы праграмны артыкул
Залужны: Вайна зайшла ў тупік. Яна можа зацягнуцца на гады і выматаць украінскую дзяржаву
Чаму Украіна не здолела прарвацца да Азоўскага мора? І што гэта значыць для рэгіёна?
Зяленскі: Мне здаецца, што мы знаходзімся ў апошняй стадыі вайны, але самай складанай
Падаляк пра контрнаступ: Мы адстаем ад графіка на шэсць-дзевяць месяцаў
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?9
Каментары
Аматарам накідаць дызлайкаў: пачніце глядзець праўдзе ў вочы, цвяроза ацэньваць сітуацыю і думаць сваёй галовой, а не паўтараць тэзісы прапагадыстаў. Адныя гарлапаняць, што яны Кіеў за тры дні возмуць, а яшчэ праз тыдзень да Львова дайдуць, а іншыя, што на межы 1991 года выйдуць. Спусціцеся на землю.