Тыя аўтаматы, якія ўжо паставілі ў гандлёвых аб'ектах і плануюць, — гэта ініцыятыва саміх гандлёвых сетак.
Цэнтралізаванае ўкараненне дэпазітна-закладной сістэмы выкарыстанай тары ў Беларусі пакуль адкладаецца. Пра гэта паведаміла намесніца дырэктара прадпрыемства «Аператар другасных матэрыяльных рэсурсаў» Надзея Арэшка, адказваючы на пытанні аб з'яўленні ў сетцы «Суседзі» аўтаматаў для збору тары, пішуць Мінск-навіны.
— Тыя аўтаматы, якія ўжо паставілі ў гандлёвых аб'ектах і плануюць, — гэта ініцыятыва саміх гандлёвых сетак, якія пазіцыянуюць сябе як экаадказных суб'ектаў. Гэта добра, і мы падтрымліваем гэта. Што тычыцца цэнтралізаванай устаноўкі тараматаў, гаворка ідзе пра дэпазітна-закладную сістэму, укараненне якой даўно абмяркоўваецца. Гэтая сістэма прысутнічае ў Нацыянальнай стратэгіі па абыходжанні з цвёрдымі камунальнымі адкідамі і другаснымі матэрыяльнымі рэсурсамі да 2035 года. Але пакуль рашылі, што цэнтралізаванае ўкараненне дэпазітна-закладной сістэмы пакуль трэба адкласці. Там вельмі шмат неўрэгуляваных пытанняў, — патлумачыла Н.Арэшка.
Паводле яе слоў, сістэма прадугледжвае ўзаемадзеянне вельмі многіх суб'ектаў: вытворцаў тавараў і тары, імпарцёраў, гандлёвых сетак і цэнтралізаванага органа, які б каардынаваў усю гэтую дзейнасць.
— Акрамя гэтага, стварэнне даступнасці гэтай сістэмы для насельніцтва патрабуе вельмі вялікіх інвестыцый. Сёння прыярытэт зрушыўся ў развіццё існуючай інфраструктуры абыходжання з адкідамі, і інвестыцыі накіроўваюцца туды. Да пытання цэнтралізаванага ўкаранення дэпазітна-закладной сістэмы плануецца вярнуцца пазней, — паўтарыла Надзея Арэшка.
Учора стала вядома, што такія тараматы (фандаматы) ставяць у сетцы крамаў «Суседзі».
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі25
Каментары