Грамадства

У некаторых крамах Мінска сталі ставіць фандаматы — спецыяльныя аўтаматы для прыёму тары

Калі прылады запрацуюць, пакуль невядома. Пакуль тараматы абгорнутыя плёнкай.

Фота: Tochka.by

Чытач Tochka.by даслаў у рэдакцыю фатаграфіі, як у адным з гандлёвых цэнтраў сталіцы размясцілі такія тарапрыёмнікі. Яны пакуль не працуюць і абгорнутыя плёнкай.

«Убачыў гэта ў ГЦ «Караван» на Каменнай Горцы, там крама «Суседзі», — паведаміў ён.

Мяркуючы са здымкаў, гэта фандаматы, якія прымаюць пластыкавыя бутэлькі і бляшанкі для другаснай перапрацоўкі.

На іх нанесеныя слоганы «здай бутэльку або бляшанку — атрымай экабонусы».

Калі запрацуюць фандаматы ў Мінску

Калі прылады запрацуюць, пакуль невядома. На інфалініі гандлёвай сеткі «Суседзі» падрабязнасцяў не паведамілі.

«У нас няма інфармацыі на гэты конт», — адказалі там.

Як будуць працаваць фандаматы

Пакуль да канца незразумела, па якім прынцыпе будуць працаваць прылады ў «Суседзях».

Наогул, фандамат можа абменьваць зваротную тару ў насельніцтва на невялікае грашовае ўзнагароджанне альбо балы або чэкі, якія можна выкарыстоўваць у краме.

За дзень адзін стандартны фандамат здольны прыняць да 600 адзінак тары.

З 2011 года ў Беларусі перыядычна ўздымалася пытанне аб увядзенні дэпазітна-закладной сістэмы (ДЗС).

Меркавалася, што ДЗС тары ўступіць у сілу да канца 2021 года. Але, паводле пастановы Саўміна № 759 ад 24 снежня 2021-га, Укараненне сістэмы адкладзенае да канца 2024 года.

ДЗС — гэта сістэма, пры якой спажывец плаціць за ўпакоўку суму закладу пры куплі вады ці напояў у аднаразовай тары, а пры здачы пустой упакоўкі яму заклад вяртаецца (як у краінах Еўропы).

Памер дэпазіту спачатку планаваўся ў памеры 20 капеек за адзінку ўпакоўкі. Гэта тычылася пластыкавых бутэлек, пляшак і бляшанак аб'ёмам не большым за 3 л.

Суму закладу планавалі ўключаць у цану тавару і асобна паказваць у цэнніках.

Для збору ўпакоўкі звычайна выкарыстоўваюцца тараматы. Іх колькасць у Беларусі хацелі павялічыць да 3000.

Каб вярнуць заклад, спажывец павінен паднесці пустую бутэльку ці бляшанку да сканера тарамата. Ён вызначыць штрых-код, вагу і форму ўпакоўкі, а затым выдасць чэк. Квіток можна адразу паказаць на касе або выкарыстоўваць у залік кошту пакупкі.

Таксама разглядалася магчымасць ахвяраваць гэтыя грошы на дабрачыннасць або перавесці іх на тэлефон.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У шасці гарадах Беларусі пачалася эпідэмія рэспіраторных інфекцый. А якая сітуацыя ў цэлым?3

У шасці гарадах Беларусі пачалася эпідэмія рэспіраторных інфекцый. А якая сітуацыя ў цэлым?

Усе навіны →
Усе навіны

Мікрапластык спрыяе распаўсюджванню супербактэрый, устойлівых да антыбіётыкаў

Сёння — Дзень Волі. 107 гадоў таму беларусы ўпершыню абвясцілі незалежнасць2

Блогер паказаў, як пераварыў самы гнілы «Фальксваген Гольф» у Беларусі3

Перамовы Расіі і ЗША ў Эр-Рыядзе завяршыліся, пра вынікі паведамяць заўтра2

У Мінску за апошнія суткі выпалі дзве траціны месячнай нормы ападкаў2

Разам з прапагандыстам Федарчаком загінулі яшчэ два прадстаўнікі расійскіх СМІ11

Блогер Vadimati распісаўся анлайн са сваім партнёрам, з якім разам ужо больш за 10 гадоў14

Расія на перамовах у Саудаўскай Аравіі патрабуе ўсю тэрыторыю чатырох украінскіх абласцей21

У «Мінск-Свеце» вырашылі пытанне з аплатай за шыльды на дамах

больш чытаных навін
больш лайканых навін

У шасці гарадах Беларусі пачалася эпідэмія рэспіраторных інфекцый. А якая сітуацыя ў цэлым?3

У шасці гарадах Беларусі пачалася эпідэмія рэспіраторных інфекцый. А якая сітуацыя ў цэлым?

Галоўнае
Усе навіны →

Заўвага:

 

 

 

 

Закрыць Паведаміць