Чэхія стала першай краінай, якая замарозіла дзяржаўныя актывы РФ на сваёй тэрыторыі
Урад Чэхіі замарозіў расейскую дзяржаўную ўласнасць, якая знаходзіцца на тэрыторыі краіны. Такім чынам улады пашырылі спіс санкцый, уведзеных супраць Расеі праз уварванне ва Украіну.
Na můj navrh dnes vláda schválila zmražení ruského státního majetku v Česku. Komerční aktivity, ze kterých Rusko financuje vraždění Ukrajinců, tady končí.
«Камерцыйная дзейнасць гэтага прадпрыемства з гэтага часу зʼяўляецца нелегальнай — таксама як парушэнне і абыход санкцый. Усе яе актывы ў Чэшскай Рэспубліцы замарожаныя», — сказаў афіцыйны прадстаўнік МЗС краіны Ян Ліпаўскі.
Гэта азначае, што продаж і здача ў арэнду чэшскіх абʼектаў, якія належаць Расеі, забаронены.
«На гэтым камерцыйная дзейнасць, за кошт якой Расея фінансуе забойствы ўкраінцаў, заканчваецца» — напісаў Ліпаўскі ў сацыяльнай сетцы Х (былы твітэр).
Расея валодае абʼектамі нерухомасці галоўным чынам у Празе і Карлавых Варах. Пры гэтым пастанова аб замарозцы актываў не закране будынкаў амбасады Расеі, якія выкарыстоўваюцца для дыпламатычнай дзейнасці.
Рашэнне Чэхіі вітаў міністр замежных спраў Украіны Дзмітрый Кулеба. Паводле яго слоў, «краіны, якія гэтага яшчэ не зрабілі, павінны ўзяць [чэхаў] за прыклад».
«Расейскія грошы трэба выкарыстоўваць для аднаўлення Украіны, а не для забойства і разбурэнняў», — напісаў кіраўнік украінскага МЗС.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі29
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары