Усяго патроху33

Блогер з энтузіязмам паказаў, як харчавацца за 9 рублёў на дзень

Камандзіровачныя ў Беларусі складаюць 9 рублёў за суткі. Ці хопіць гэтых грошай на харчаванне? Праўладны тыкток-блогер ПалВаныч, які называе сябе актывістам-аптымістам з Кобрына, з энтузіязмам распавядае падпісчыкам, што гэта вельмі лёгка зрабіць.

Фота з інстаграму dmitriev_by

Павел Дзмітрыеў (гэта сапраўднае імя ПалВаныча) прыехаў у Мінск на чатыры дні і зняў кватэру за 100 рублёў за суткі. Ён радасна паведаміў, што гаспадыня дазволіла яму выкарыстоўваць любыя прадукты, якія ён знойдзе на кухні. Гэтая навіна ўзрадавала ПалВаныча: ён стаў прыкідваць, ці зможа дзякуючы гэтаму ашчадзіць нешта з дзевяці рублёў сутачных камандзіровачных.

На кухні блогер знайшоў дзве цукеркі «Птушынае малако», слоік баклажанаў у аджыцы і слоік хатняга вішнёвага джэму, розны алей, хлеб, бутэльку малака, муку, сухое бульбяное пюрэ, мюслі, крыху грэчкі, каву, гарбату і цукар. «Класная ашчаднасць!» − узрадаваўся актывіст-аптыміст.

Яшчэ ў адной шафе ён знайшоў розную макарону — патроху ў кожным пачку.

«Пабачым, панюхаем. Калі яна добрая, будзем выжываць». Наткнуўся блогер і на калекцыю бутэлек з-пад рознага алкаголю. Гучнае «Ваў!» змянілася расчараванае на «Ай, яны пустыя. Прыкіньце, калі б гэта было ўключана. Быў бы all-inclusive!».

У лядоўні знайшлося крыху пельменяў і некалькі пачкаў марожанага. Сваю першую страву ПалВаныч назваў суп «Нажорысты»:

«Гэта суп з фрыкадэлькамі ў цесце. Па-іншаму — пельмешкі. Самы галоўны сакрэт — каб вадзічка была смачная і нажорыстая. Тады хопіць на цэлы дзень».

Пасля гэтага блогер вырашыў схадзіць у краму, каб набыць ежы на чатыры дні ў сталіцы — але 36 рублёў усё ж не хапіла, мужчына прызнаўся, што крыху перавысіў свой бюджэт. Ён зрабіў модны ў сацсетках «анпакінг» — прадэманстраваў набыткі. З крамы ПалВаныч прынёс гранат, дзве пачкі тварагу, пернікі, кілаграм пельменяў «Пацешкі» (іх ён назваў асновай свайго рацыёну), дзясятак яек, мексіканскую гароднінную сумесь («Вось на гэтым я прагарэў, — пракаментаваў блогер. — Будзем варыць віп-суп»), два слоікі тушонкі.

Наступнай стравай, якую згатаваў актывіст-аптыміст, стала макарона гаспадыні з яе ж прыправамі і бярозаўскай тушонкай з «Еўраопта». «Шыкоўнай страве» ПалВаныч даў назву «Цыганская макарона па-міжземнаморску».

Аналізуючы свае закупы на наступны дзень, блогер прыйшоў да высновы, што ён занадта разагнаўся і такога запасу прадуктаў яму хапіла б на тыдзень. Пашкадваў, што не набыў бульбы, бо з яе можна шмат чаго прыгатаваць — зрабіць, напрыклад, дранікі ці пасмажыць і з’есці з селядцом.

Падпісчыкі ПалВаныча пагадзіліся з тым, што 36 рублёў лёгка хопіць, каб есці чатыры дні, калі «не шыкаваць». Але ж, нягледзячы на ўвесь гэты аптымізм, блогер на відэа неаднаразова кажа «будзем выжываць!» — у гэтай фразе, здаецца, уся філасофія пэўнага тыпу людзей. Яны імкнуцца не жыць, а менавіта выжываць.

ПалВаныч мае 13 500 падпісчыкаў у тыктоку. Там ён пераказвае асноўныя тэзісы прапаганды, рэпосціць відэа з Лукашэнкам, а таксама паказвае, як удзельнічае ў розных праўладных мерапрыемствах — напрыклад, у кастрычніку ён разам з іншымі «ідэалагічна правільнымі» актывістамі садзіў яблыні каля Палаца Незалежнасці.

Каментары3

  • Ёсік
    23.11.2023
    А яшчэ можна партрэт дырэктара саўгаса з сабой вазіць і за ўсё яко дзякаваць. 9 рублёў? А тое, што адтуль трэба на праезд узяць каля рубля на адну паездку, а мо і на маршрутцы, якая даражэйшая. Хутка гаўно нахвальваць будуць, калі яго цукрам пасыпаць. Запісвай, як шчэ ў будучым будзеш эканоміць у камандзіроўках - квіток на праезд апасьля не выкідвай, пойдзеш у прыбіральню па вялікай справе, гэты квіток вакол пальца абкруціў, пальцам дупу падцёр, а квітком біяматэрыял сатрэш. Не трэба падзякі, карыстайся. Ганарыцца галечай, ды шчэ яе апраўдваць. Куды крочылі столькі часу, куды прыйшлі?
  • абы як
    23.11.2023
    Зжэр усе хазяйкіны харчы і розуму хваціла яшчэ гэтым пахваліцца. Во дзе сораму няма)

    Ва ўсялякім выпадку, калі за хату заплаціў 400 руб, то гэтая эканомія выглядае эканоміяй на запалках.
  • ПЯТРО
    24.11.2023
    Купил бы лучше муки на три дня.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Пасля вяртання ў Беларусь арыштавалі Вераніку Жалубоўскую — сцюардэсу Катарскіх авіяліній, актрысу і мадэль3

Пасля вяртання ў Беларусь арыштавалі Вераніку Жалубоўскую — сцюардэсу Катарскіх авіяліній, актрысу і мадэль

Усе навіны →
Усе навіны

Мінабароны: Беларусь гатова да ўзаемных вайсковых інспекцый з Польшчай на глыбіню 80 км5

«Спадар прэзідэнт, не Украіна пачала гэтую вайну». Заявы Трампа аб Украіне і яго канфлікт з Зяленскім шакавалі многіх рэспубліканцаў20

«Марк Фармель» паставіў у вітрыну замест манекена мужчыну з голым торсам7

Стала вядома, калі ў Беларусі правядуць вучэнні «Захад-2025»

У цэнтры Мінска чатыры аўтамабілі ўрэзаліся адзін за адным1

Уначы зноў было за мінус 20°С

Як выглядаў Мінск 100 гадоў таму? Штучны інтэлект ажывіў гістарычныя фота — атрымалася захапляльнае відэа7

Пуцін хоча ператварыць Украіну ў другую пакорлівую Чачню5

Саудаўцы будуюць фантастычны мегаполіс «Лінія», куды можна будзе засяліць усю Беларусь. Кошт — $1 трыльён ШМАТ ФОТА3

больш чытаных навін
больш лайканых навін

Пасля вяртання ў Беларусь арыштавалі Вераніку Жалубоўскую — сцюардэсу Катарскіх авіяліній, актрысу і мадэль3

Пасля вяртання ў Беларусь арыштавалі Вераніку Жалубоўскую — сцюардэсу Катарскіх авіяліній, актрысу і мадэль

Галоўнае
Усе навіны →

Заўвага:

 

 

 

 

Закрыць Паведаміць