Алюмініевая фольга мае шмат спосабаў карыснага ўжывання ў доме. Аднак мала хто ведае, што яна таксама можа дапамагчы пры мыцці ў пральнай машыне. Дасведчаныя гаспадыні сцвярджаюць, што дастаткова толькі чатыры невялікія шарыкі з алюмініевай фольгі.
На першы погляд, гэта можа падацца вельмі дзіўнай ідэяй — кавалкі фольгі ў пральнай машыне.
Як сцвярджаюць некаторыя дасведчаныя гаспадыні, яны выкарыстоўваюць шарыкі з фольгі пры пранні з некалькіх прычын.
Першая палягае ў тым, што прысутнасць фольгі, якая зроблена з такога металу, як алюміній, сярод адзення дазваляе нейтралізаваць статычную электрычнасць на сухой бялізне да прання ці пасля яго, калі ў вас машына з сушкай. У выніку пасля прання рэчы не будуць «зліпацца». Пры гэтым фольга не пашкодзіць ані машыну, ані адзенне.
Другая прычына — алюмініевая фольга можа паспяхова замяніць кандыцыянер для бялізны.
Кіньце ў барабан пральнай машыны чатыры шарыкі з фольгі і вам не спатрэбіцца заліваць кандыцыянер. Фольга — выдатны сродак замены гэтаму сродку. Адзенне пры гэтым будзе мяккім і прыемным навобмацак. І гэта без аніякай хіміі.
Акрамя гэтага, шарыкі, варочаючыся разам з бялізнай, садзейнічаюць перамяшчэнню пральнага парашку, што перадухіляе з'яўленне разводаў. Да таго ж, сутыкаючыся з рэчамі, яны выбіваюць часцінкі бруду, што ўзмацняе дзеянне парашку і іншых пральных сродкаў.
Яшчэ адным плюсам шарыкаў з фольгі зʼяўляецца магчымасць іх шматразовага выкарыстання. Проста, эфектыўна і эканамічна.
І апошняе — шарык з алюмініевай фольгі памерам мае быць большым за шарык для пінг-понгу, але меншым за тэнісны мяч. З-за верагоднасці таго, што кавалачкі фольгі могуць у працэсе прання адарвацца, лепш шарык змясціць у мяшэчак ці ў сетачку.
Чытайце яшчэ:
Ужываеце на кухні алюмініевую фольгу? Праверце, ці правільна гэта робіце
Як вярнуць шкарпэткам белы колер
Кіньце ў пральную машыну лаўровы ліст. Вы будзеце задаволеныя
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў27
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары