Што адбудзецца, калі патрапіць у апарат МРТ са зброяй? (спойлер: нічога добрага)
Жанчына ў ЗША прыйшла на МРТ са зброяй. Што адбылося далей?
Медычны агляд 57-гадовай амерыканкі абярнуўся літаральна болем у дупе з-за няўдала схаванай агнястрэльнай зброі. The Messenger распавядае пра інцыдэнт, калі жанчына была паранена ў правую ягадзіцу ўласным пісталетам, які быў актываваны апаратам магнітна-рэзананснай тамаграфіі (МРТ). На шчасце, траўма выявілася адносна лёгкай і жанчына ўжо паправілася.
Паводле паведамлення, ненаўмысны стрэл адбыўся яшчэ ўлетку, але вядома пра інцыдэнт стала толькі нядаўна. Неназваная жанчына ўвайшла ў кабінет МРТ са схаваным пісталетам. Калі яна ўжо збіралася легчы ўнутры апарата, пісталет быў прыцягнуты магутным магнітам і зрабіў адзін стрэл. На шчасце, куля ледзь прабіла скуру пацыенткі.
Gizmodo напамінае тое, што мусіць ведаць кожны, хто калі-небудзь працаваў з МРТ або праходзіў працэдуру: магніт, які сілкуе МРТ, заўсёды ўключаны. Пацыентам забаронена праносіць у пакой любыя рэчы, якія патэнцыйна могуць прымагнічвацца: у прыватнасці, металічныя рэчы. Паводле справаздачы, жанчына прайшла стандартную праверку і адназначна адказала «не» на пытанне аб наяўнасці агнястрэльнай зброі. Ці быў у яе дазвол на нашэнне, не паведамляецца.
Не толькі зброя можа быць небяспечнай, калі апынаецца побач з апаратам МРТ. Здараліся выпадкі, калі людзі атрымлівалі сур'ёзныя траўмы і гінулі ад інвалідных калясак, кіслародных балонаў і нават металічных сэкс-цацак кшталту анальных коркаў.
Апісаны выпадак з пісталетам — хоць і рэдкі, аднак не беспрэцэдэнтны. Раней у студзені гэтага года бразілец памёр ад стрэлу ў жывот (які гэтаксама быў справакаваны апаратам МРТ), калі дапамагаў сваёй маці патрапіць у апарат. Амерыканцы ў гэтым выпадку пашанцавала значна больш: пасля ранення яе даставілі ў бліжэйшую лякарню. Пазней яна паведаміла, што яе рана ў парадку і добра гоіцца.
Цяпер чытаюць
«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў1
Каментары