Былы мэр Уладзівастока, асуджаны да 12 гадоў за хабар, паехаў ваяваць ва Украіну
Гэта першы выпадак адпраўкі на вайну з расійскай турмы былога чыноўніка такога рангу.
Былы мэр Уладзівастока Алег Гумянюк, асуджаны да 12 гадоў па справе аб хабары ў буйным памеры, адправіўся на вайну ва Украіну. Пра гэта выданню «Коммерсант» распавёў яго адвакат Аляксандр Кітаеў.
Па словах адваката, першапачаткова Гумянюк павінен быў зʼявіцца ў вайсковую часць 22 снежня 2023 года. Дзе зараз знаходзіцца асуджаны, Кітаеў не ведае. «Наколькі я разумею, спачатку ён павінен прайсці падрыхтоўку на адным з палігонаў», — сказаў адвакат.
У прыморскіх СМІ зʼявіліся фота, на якіх, як мяркуецца, — Гумянюк у вайсковай форме.
Алег Гумянюк быў мэрам Уладзівастока з 2019 па 2021 год. У кастрычніку 2021 года следчыя затрымалі былога мэра Уладзівастока па падазрэнні ў атрыманні хабару ў буйным памеры ад рытуальнага агенцтва «за агульнае заступніцтва».
У студзені 2023 года Гуменюка прыгаварылі да 16 з паловай гадоў калоніі. У маі тэрмін пакарання скарацілі да 12 гадоў.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары