У Магілёве тэсціруюць у грамадскім транспарце новаўвядзенне, якога няма нават у Мінску
На маршруце №12 праезд можна аплаціць банкаўскай картай.
Фота: Магілёў анлайн
Аплата праезду праз дадатак «Аплаці» і праз Беларусбанк ужо прыжылося ў беларускіх пасажыраў грамадскага транспарту. А вось тэрміналы для аплаты — пілотны праект, які тэстуюць у Магілёве, піша «Магілёў анлайн».
Зараз тэрміналамі аснашчаны 4 аўтобусы: 3 з іх працуюць на маршруце №12, адзін знаходзіцца ў рэзерве.
Аплаціць праезд — элементарна. У праграму прылады аўтаматычна ўбітая сума праезду, пасажыру трэба проста прыкласці сваю карту да тэрмінала.
Кантроль за аплатай праезду таксама прадугледжаны — пры ўваходзе кантралёраў тэрміналы заблакуюць і пры дапамозе спецыяльнага апарата правераць, ці ажыццяўлялася аплата дадзенай картай.
Каментары