«Цапкала меў шанцы стаць значнай персонай у гісторыі Беларусі. Але жыве ў ідэалагемах рускага свету»
Сузазнавальнік фонду «Байсол» Андрэй Стрыжак у інтэрв'ю «Нашай Ніве» выказаў сваё меркаванне аб Валерыю Цапкалу.
У вялікім інтэрв'ю нашаму выданню Андрэй Стрыжак паразважаў пра лёс Валерыя Цапкалы:
«Гэта трагедыя, асабістая трагедыя чалавека, на мой погляд. Бо чалавек на пачатку 1990-х меў вельмі вялікія шанцы стаць значнай персонай у гісторыі Беларусі — амбасадар у ЗША, чалавек малады, эрудыраваны, тэхнакрат».
На погляд Стрыжака, у Цапкалы ёсць некалькі асноўных праблем: «Чалавек так ці інакш жыве ў ідэалагемах «рускага свету», у яго моцная арыентацыя на Маскву, прынамсі ў тых выказваннях, якія ён сабе дазваляў».
Андрэй Стрыжак таксама выказаўся адносна крытыкі Цапкалы яго асабіста:
«Я разумею яго стаўленне да мяне. Няхай выказвае — ён мае на гэта права. Няма ў Беларусі практыкі публічнай дыскусіі, і калі яна такім коштам будзе развівацца, то няхай».
Нагадаем, што Валерый Цапкала перайшоў у апазіцыю да Аляксандра Лукашэнкі ў 2020 годзе. Да таго ён працаваў ягоным памочнікам, а пасля кіраўніком Парка высокіх тэхналогій. Цапкала сабраў неабходную колькасць подпісаў, каб стаць кандыдатам у прэзідэнты, але яго, як і Віктара Бабарыку, не зарэгістравалі. Пасля гэтага ягоная жонка Вераніка Цапкала адыграла, разам са Святланай Ціханоўскай і Марыяй Калеснікавай, выключную ролю ў мабілізацыі грамадства на выбары 2020.
Сямʼя вымушана была зʼехаць з краіны. Пад канец 2020 года Валерый Цапкала пачаў шукаць асобных шляхоў-дарог. Ëн увайшоў у кааліцыю з Вольгай Карач і шэрагам іншых дзеячаў другога плана. У 2023 годзе Валерый Цапкала выступіў з крытыкай арганізатараў і ўдзельнікаў «Марафону салідарнасці».
Чытайце яшчэ:
Валерый Цапкала вырашыў цкаваць нязгодных з ім журналістаў — пачаў са Змітра Лукашука
«Грантасосы купаюцца ва ўзаемным крывадушшы». Цапкала апляваў марафон салідарнасці
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро8
Каментары