Да рэканструкцыі стадыёна «Трактар» прыступілі ў верасні мінулага года. Што ўжо зроблена на абʼекце, пішуць «Мінск-Навіны».
— Па праекце на тэрыторыі стадыёна зʼявяцца два новыя трэніровачныя палі, асноўнае будзе захаванае, у тым ліку яго натуральны газон. Прадугледжаныя перапланіроўка памяшканняў падтрыбуннай прасторы, узмацненне канструкцый, поўная замена камунікацый, — распавядае прараб БУ-199 Будтрэста № 35 Кірыл Жалудковіч.
Хутка будаўнікі пачнуць рамонт падмурку заходняй трыбуны. Старыя пластыкавыя крэслы ўжо прыбралі. Калі рэканструкцыя абʼекта завершыцца, на гэтай пляцоўцы змогуць размясціцца 4,5 тысячы балельшчыкаў.
На будоўлі дапамагаюць студатрадаўцы.
— У лістападзе і снежні тут працавалі маладыя людзі з БНТУ, БДУІР, БДТУ, БДЭУ, БДУ. У цяперашні момант фармуем яшчэ чатыры атрады агульнай колькасцю 40 чалавек. Удзельнічаць у рэканструкцыі знакавага для сталіцы абʼекта студэнты будуць аж да здачы яго ў эксплуатацыю, — расказаў першы сакратар Мінскага гаркама БРСМ Раман Бандарук.
Саша Філіпенка расказаў, чаму не плануе пісаць па-беларуску і як Беларусь можа стаць падарункам Расіі ў вайне64
Каментары