На аб'екце праведзена поўная рэканструкцыя, уладальнік абяцае акупіць выдаткі за восем гадоў.
Сапраўдную гідраэлектрастанцыю прапануюць купіць у вёсцы Альхоўка Астравецкага раёна. Аб'ява з'явілася на сайце камерцыйнай нерухомасці, заўважыла Tochka.by.
Просяць за такі аб'ект нямала — $3 млн (9,4 млн) без ПДВ. Але гэта цэлая гідраэлектрастанцыя. Прычым абсалютна рабочая.
Аб'ект складаецца з зямельнага ўчастка плошчай 0,0623 га, будынка ГЭС і пляцоўкі турбіны. Прычым усё знаходзіцца менавіта ва ўласнасці ўладальніка, а не ў арэндзе.
Прадавец піша, што станцыя была цалкам рэканструявана і ўведзена ў эксплуатацыю ў красавіку 2023 года. Устаноўлены дзве польскія турбіны па 200 кВт з тэрмінам службы больш за 50 гадоў.
Можна зарабіць
У апісанні лота ўладальнік аб'екта нават разлічыў прыбытак, якую можа прынесці гэтая купля.
Разліковая праектная здабыча — 2,2-2,4 млн кВт гадзін у год. Фактычная здабыча зыходзячы з першага года складзе 1,6-1,8 млн кВт пры ўмове незвычайна засушлівага цёплага сезона.
Вытворчыя прадпрыемствы могуць мець са станцыі фактычны прыбытак Br792—864 тыс. у год, а невытворчыя — Br787—885 тыс.
Прадавец заяўляе, што гідраэлектрастанцыя акупіць сабе за восем гадоў, а ў ідэале на ёй можна нават зладзіць майнинг-ферму.
Аб'ект у Альхоўцы раней належаў кампаніі «ЦБК-Кардон», але ў красавіку 2022 года быў выстаўлены на таргі. Ад актыву вырашана было пазбавіцца за не вельмі вялікую суму — 38,7 тыс. У выніку станцыю купілі за 42 тысячы рублёў.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі67
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары