Сейм Латвіі афіцыйна забараніў зборным краіны гуляць супраць зборных Расіі і Беларусі
Сёння, 1 лютага, Сейм прыняў у канчатковым чытанні папраўкі да Закона аб спорце, якія прадугледжваюць, што зборным Латвіі будзе забаронена гуляць супраць зборных Расіі ці Беларусі, калі яны ўдзельнічаюць у спаборніцтвах пад сваім сцягам або ў нейтральным статусе, піша Delfi.lv
Закон таксама прадугледжвае, што Латвіі забараняецца арганізоўваць спаборніцтвы зборных каманд па гульнявых відах спорту (дарослых, юнацкіх і юніёрскіх), у якіх нацыянальныя зборныя Расіі ці Беларусі ўдзельнічаюць пад сваім сцягам або ў нейтральным статусе.
У анатацыі да законапраекта, першапачаткова вылучанага палітыкамі «новага адзінства», гаворыцца, што «ў Расійскай знешнепалітычнай дактрыне адным з кірункаў распаўсюджвання яе каштоўнасцяў з'яўляецца выкарыстанне так званай «мяккай сілы» ў пабудове адносін з замежнымі краінамі, і спорт з'яўляецца адным са спосабаў яго выкарыстання».
Асноўная мэта паправак да закона — «падкрэсліць салідарнасць Латвіі з Украінай і фундаментальна заблакаваць любыя спробы Расіі ўзаконіць свае ваенныя злачынствы з дапамогай спорту».
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары