Аляксей Протас падпісаў новы кантракт на пяць гадоў.
«Вашынгтон Кэпіталз» заявіў аб працягу кантракта з беларускім форвардам Аляксеем Протасам. Пагадненне разлічана на пяць гадоў з сумай 16,875 мільёнаў даляраў, піша «Беларускі хакей».
23-гадовы Протас набраў 18 (3+15) балаў у 42 матчах за «Вашынгтон» у гэтым сезоне. Форвард займае другое месца ў складзе «Кэпіталз» па колькасці набраных ачкоў за гульню ў роўных складах (17), трэцяе — па колькасці перадач і першых асістаў (8) і шостае — па колькасці ачкоў.
Протас, які ў гэтым сезоне ўжо паставіў асабістыя рэкорды ў НХЛ па колькасці перадач і ачкоў, праводзіць на лёдзе ў сярэднім 13:02. Сямнаццаць з 18 ачкоў Протас набраў пры гульні ў фармаце «пяць на пяць», што з'яўляецца найлепшым вынікам сярод гульцоў «Кэпіталз».
Сярод гульцоў НХЛ, якія адыгралі не менш за 40 матчаў у гэтым сезоне, Протас займае восьмае месца па колькасці перадач за 60 хвілін гульні ў фармаце «пяць на пяць» (2,13).
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары