У Гомелі хлопца будуць судзіць адразу па дзесяці цяжкіх палітычных артыкулах
У Гомелі 15 лютага пачнецца суд над мужчынам паводле 10 крымінальных артыкулаў, сярод якіх — «здрада дзяржаве» і арганізацыя «тэрарыстычнай дзейнасці». На лаве падсудных апынуўся 28-гадовы жыхар Петрыкава Іван Сухамераў, піша «Штодзень».
У 2017 годзе хлопец атрымаў дыплом сацыяльнага педагога пасля заканчэння Мазырскага дзяржаўнага педагагічнага ўніверсітэта імя Івана Шамякіна.
Прыблізна з гэтага часу, як бачна па ягоных сацыяльных сетках, ён пачаў крытычна выказвацца на адрас улады. Асабліва актыўна мужчына выступаў супраць адыёзнага дэкрэта аб «дармаедах».
15 лютага ў Гомельскім абласным судзе адбудзецца закрытае пасяджэнне, на якім Івана Сухамерава пачнуць судзіць. Яму інкрымінуюць:
- арт. 361 заўв. 3 ч. 1 — Удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка або падрыхтоўка асоб да такога ўдзелу;
- арт. 367 ч. 2 — Паклёп у дачыненні да прэзідэнта Рэспублікі Беларусь;
- арт. 361 заўв. 2 ч. 1 — Фінансаванне экстрэмісцкай дзейнасці;
- арт. 361 заўв. 2 ч. 2 — Фінансаванне экстрэмісцкай дзейнасці;
- арт. 369 заўв. 1 — Дыскрэдытацыя Рэспублікі Беларусь;
- арт. 361 заўв. 1 ч. 3 — Стварэнне экстрэмісцкага фарміравання або ўдзел у ім;
- арт. 361 заўв. 4 ч. 1 — Садзейнічанне экстрэмісцкай дзейнасці;
- арт. 370 — Здзек з дзяржаўных сімвалаў;
- арт. 361 заўв. 4 ч. 2 — Садзейнічанне экстрэмісцкай дзейнасці;
- арт. 361 ч. 3 — Заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь;
- арт. 356 ч. 1 — Здрада дзяржаве (У рэдакцыі Закона ад 09.01.2019);
- арт. 290 заўв. 5 ч. 2 — Арганізацыя дзейнасці тэрарыстычнай арганізацыі і ўдзел у дзейнасці такой арганізацыі.
Судзіць хлопца будзе суддзя Сяргей Багінскі, які раней выносіў мноства палітычна матываваных прысудаў у дачыненні да апанентаў улады.
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць22
Каментары
Ваш Іван - герой, раз рэжым Лукашэнкі яму столькі артыкулаў навесіў.
Не слухайце хлусню мянтоў і следакоў, не давайце сябе запужаць.
Не вер, не бойся, не прасі.