Грамадства66

У Польшчы рыхтуюць змены ў Закон аб замежніках. Яны закрануць атрыманне ДНЖ і Blue Card

Чакаецца, што польскі ўрад прыме дакумент ужо ў другім квартале.

Фота: Wroclaw.pl

Польскі ўрад рыхтуе змены ў Закон аб замежніках. Праект новай рэдакцыі закона прадугледжвае аўтаматызацыю падачы дакументаў на ДНЖ, больш магчымасцяў для ўладальнікаў Blue Card і стварэнне агульнай базы замежнікаў. Mostmedia.io сабраў асноўныя змены, якія могуць закрануць беларусаў.

Дакументы на карту побыту

Цяпер запоўніць анкету для атрымання карты побыту можна на платформе MOS. Пасля адпраўкі заявы онлайн неабходна асабіста з'явіцца ва ўжонд і падаць раздрукаваную копію дакументаў.

Урад Польшчы плануе спрасціць працэдуру падачы заявы на карту побыту — працэс будзе цалкам праходзіць у электронным выглядзе. Усе неабходныя дакументы можна будзе падаць праз MOS, заверыўшы іх электронным подпісам.

Запаўненне формы зробяць інтуітыўна зразумелай. Плануецца, што дзякуючы новаўвядзенню замежнікам стане прасцей падаваць дакументы, аптымізуецца праца ўжондаў (мясцовых самаўрадаў).

Пасля адпраўкі дакументаў анлайн замежніка выклічуць ва ўжонд: трэба будзе прынесці арыгіналы дакументаў і здаць адбіткі пальцаў.

Карта Blue Card

Новаўвядзенні падрыхтаваныя і для ўладальнікаў Blue Card. Папраўкі будуць звязаныя з кароткатэрміновай і доўгатэрміновай мабільнасцю ўнутры ЕС: пераехаць у іншую краіну Еўрасаюза можна будзе на льготных умовах, а працэс працаўладкавання ў ЕС спросціцца. Акрамя таго, уладальнікі Blue Card змогуць скарыстацца спецыяльнай працэдурай, якая паскорыць працэс уз'яднання з сям'ёй.

Замежныя высокакваліфікаваныя работнікі атрымаюць права весці бізнэс на тых жа ўмовах, што і грамадзяне Польшчы.

Чакаецца, што гэта прыцягне больш таленавітых і каштоўных замежных работнікаў, якія валодаюць высокай кваліфікацыяй.

Аднак з'явяцца і новыя абавязкі.

Уладальнікаў Blue Card абавяжуць апавяшчаць:

  • што яны не працуюць;
  • змену наймальніка;
  • яны больш не адпавядаюць патрабаванням, устаноўленым для атрымання Blue Card;
  • аб пачатку выкарыстання «доўгатэрміновай мабільнасці».

База замежнікаў

Мяркуецца стварыць агульную базу замежнікаў, якія знаходзяцца на тэрыторыі Польшчы. Доступ да яе атрымаюць сацыяльныя і дзяржаўныя службы, у тым ліку ZUS і пагранслужба. Гэта дазволіць дзяржорганам аператыўна адсочваць, ці прыступіў іншаземец да працы пасля атрымання дазволу на знаходжанне ў краіне, ці плацяцца за яго ўнёскі ў фонд сацыяльнага страхавання і які ў яго заробак.

Міжнародная абарона

Плануецца падоўжыць тэрмін дзеяння праязнога дакумента замежніка, які выдаецца тым, хто знаходзіцца пад міжнароднай абаронай.

Каментары6

  • Тупица
    08.02.2024
    Турыст, тупой, совсем тупой.
  • Paca Vaca
    08.02.2024
    Турыст, падрасцеш - даведаешся 
  • Jacek
    08.02.2024
    Турыст, место, где умирает надежда.

Цяпер чытаюць

На Купянскім кірунку загінуў беларускі добраахвотнік Аляксей «Рыжы» Аўдзей

На Купянскім кірунку загінуў беларускі добраахвотнік Аляксей «Рыжы» Аўдзей

Усе навіны →
Усе навіны

Пяць гадоў таму памёр Юрый Зісер3

Маладая пара вырашыла абысці ўвесь Мінск уздоўж МКАД: «Ногі потым яшчэ тры дні балелі»1

Запальныя шведы, вясёлыя эстонцы, Ізраіль рве сэрца: сёння захапляльны фінал Еўрабачання9

Пяскоў: Cустрэча Пуціна і Зяленскага магчымая2

Сур'ёзнае ДТЗ у Магілёўскай вобласці: сутыкнуліся легкавушка і велікагруз

Улады патлумачылі, чаму ў Мінску не ўключаюць ацяпленне ў кватэрах1

Ізраіль пачаў новы буйнамаштабны наступ у Газе

Аднаго з распрацоўшчыкаў расійскага «Іскандэра» ў Дзень Перамогі да смерці збіў сусед4

У беларускіх аптэках з’явіўся расійскі аналаг «Азэмпіку»2

больш чытаных навін
больш лайканых навін

На Купянскім кірунку загінуў беларускі добраахвотнік Аляксей «Рыжы» Аўдзей

На Купянскім кірунку загінуў беларускі добраахвотнік Аляксей «Рыжы» Аўдзей

Галоўнае
Усе навіны →

Заўвага:

 

 

 

 

Закрыць Паведаміць