Ідэнтыфікацыю ўладальнікаў гэтага дакумента ўскладняць для беларускіх сілавікоў.
31 студзеня ўступаюць у сілы змены ў правілах выдачы віз для замежнікаў з картамі паляка. Найперш гэта робіцца для бяспекі беларусаў, паведамляе афіцыйны польскі партал Znadniemna.pl.
Змены дазволяць замаскіраваць уладальнікаў дакумента пры праходжанні мяжы — у іх будзе той жа візавы нумар, што і ў заяўнікаў на польскія візы без карт паляка.
«З 31 студзеня грамадзяне Беларусі, якія атрымліваюць польскія візы па карце паляка, будуць мець у пашпарце візавыя налепкі з нумарам 23. Да гэтага, па законе, у пашпартах уладальнікаў карт паляка звычайна ставіўся асобны нумар 18, а ў заяўнікаў на атрыманне візы для іншых мэт — 23.
Гэтая ўніфікацыя ўскладніць для беларускіх службовых асоб выяўленне ўладальнікаў карт паляка», — піша партал Znadniemna.pl.
Нагадаем, што паводле абноўленага Закона аб грамадзянстве, беларусы, якія мелі другое грамадзянства, ДНЖ або карту паляка, павінны былі падаць гэтыя звесткі да 10 кастрычніка 2023 года. А тыя, хто толькі атрымлівае, — паведаміць пра дакумент цягам трох месяцаў.
Па даных на пачатак снежня 2023-га, пра наяўнасць падобных дакументаў паведаміла каля 70 тысяч беларусаў. Гэта толькі невялікая частка трымальнікаў падобных дакументаў.
Так, станам на 2022 год больш за 160 тысяч грамадзян Беларусі атрымалі карту паляка. Амаль 119 тысяч беларусаў маюць ДНЖ у Польшчы, больш за 60 тысяч — у Літве.
Уладальнікі карт паляка перыядычна сутыкаюцца з ціскам сілавікоў, некаторых прымушаюць адмовіцца ад гэтых дакументаў.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць11
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары