Кожны пяты грамадзянін Літвы наведаў Беларусь па бязвізе? Наколькі беларускі бязвіз насамрэч папулярны ў суседзяў
Беларускія ўлады рэгулярна хваляцца колькасцю замежнікаў, якія прыязджаюць у нашу краіну па бязвізе. Але ёсць нюанс.
Амаль кожны пяты літовец скарыстаўся бязвізам?
Паводле апошняй інфармацыяй, апублікаванай Дзяржпагранкамітэтам, за ўвесь перыяд існавання бязвізу для грамадзян Польшчы, Літвы і Латвіі нашу краіну наведала 821 390 чалавек.
Найбольшым попытам паездкі ў Беларусь карыстаюцца ў грамадзян Літвы, яны складаюць 62% ад агульнай колькасці карыстальнікаў бязвізу.
Калі б статыстыка ДПК адлюстроўвала колькасць унікальных наведвальнікаў, то атрымалася б, што ў перыяд з 15 красавіка 2022 года па 5 лютага 2024 у Беларусі пабывала каля 18% насельніцтва Літвы. І гэта з улікам пажылых і немаўлят.
Але ці сапраўды літоўцы настолькі масава ездзяць у Беларусь?
Канечне, не. Згодна з данымі літоўскага бока, за 2023 год з Літвы ў бок Беларусі выехала менш за 62 тысячы чалавек. Гэта каля 2,15% насельніцтва Літвы. Менавіта такую колькасць унікальных наведвальнікаў налічыў літоўскі бок.
У беларускай справаздачы агучваюць толькі агульныя лічбы перасячэння мяжы людзей з літоўскімі пашпартамі. Згодна з гэтымі данымі, за мінулы год 412 тысяч грамадзян Літвы перасеклі беларускую мяжу, скарыстаўшы магчымасць прыехаць без візы.
Атрымліваецца, што вялікія агульныя лічбы дасягаюцца за кошт таго, што частка літоўцаў ездзіць у Беларусь даволі часта. Звычайна гэта жыхары прыгранічных раёнаў. Многія з іх ездзяць у Беларусь з эканамічных меркаванняў. Часцей за ўсё такія «турысты» ў нашу краіну едуць па паліва, цыгарэты, алкаголь і лекі.
Чытайце таксама:
У Літве зноў прапанавалі закрыць яшчэ два памежныя пункты на мяжы з Беларуссю
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары