Толькі 4% беларусаў за поўны ўваход у Расію, 54% баяцца далейшага пагаршэння адносін з Захадам — новае апытанне
Міжнародны экспертны цэнтр iSANS прадставіў у Варшаве вынікі даследавання грамадскай думкі ў Беларусі. Апытанне праводзілася з дапамогай інтэрнэт-інтэрв'ю (CAWI), піша Reform.by.
Здымак ілюстрацыйны
Апытанне праводзілася як сярод аўдыторыі, якая лаяльна ставіцца да незалежных медыя, так і сярод прыхільнікаў дзяржаўных СМІ. У адказах на многія пытанні адлюстроўваецца, як на іх адказвалі розныя групы.
Паводле асноўных вынікаў даследавання:
- 30% рэспандэнтаў адказалі, што арыентавацца трэба на Расію, 15% — на Еўропу, 7% — на Кітай, 2% — на Злучаныя Штаты Амерыкі. Самая вялікая група — 43% лічыць, што ні на каго не варта арыентавацца, трэба праводзіць самастойную палітыку.
- 58% рэспандэнтаў лічаць, што адносіны паміж Беларуссю і Расіяй павінны будавацца як адносіны незалежных дзяржаў на падставе міжнародных дамоў, толькі 4% за поўны ўваход Беларусі ў Расію;
- 54% рэспандэнтаў баяцца далейшага пагаршэння адносін з краінамі Захаду, 37% лічаць, што трэба пашырыць эканамічнае супрацоўніцтва з краінамі ЕС;
- 11% выступаюць супраць адносін з краінамі Еўрасаюза, 9% — за тое, каб Беларусь увайшла ў яго склад;
- 76% лічаць, што ЕС варта спрасціць візавыя бар'еры для беларусаў, а таксама аднавіць чыгуначныя і паветраныя зносіны паміж Беларуссю і ЕС. Таксама 73% выступаюць за паслабленне санкцый;
- 36% не падтрымліваюць вайну супраць Украіны, 30% падтрымліваюць ці хутчэй падтрымліваюць, 34% не змаглі адказаць;
- 64% адмоўна ставяцца да магчымага размяшчэння тактычнай ядзернай зброі ў Беларусі;
- 41% рэспандэнтаў ацэньваюць бягучую эканамічную сітуацыю ў Беларусі як сярэднюю, а яшчэ 32% сказалі, што яна дрэнная (вельмі дрэнная).
- 65% сказалі, што планаў пакінуць Беларусь у іх няма, а 24% паведамілі, што ўжо думаюць пра эміграцыю.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца4
Каментары