Нерухомасць1212

«Вось і вісіць кватэра баластам: крэдыт — 1800 рублёў на месяц». Айцішнікі расказалі пра кінутыя ў Беларусі кватэры

Ужо амаль паўгода як беларусы могуць праводзіць угоды з маёмасцю толькі пры асабістым звароце або на падставе даверанасці, аформленай на тэрыторыі Беларусі. Devby.io паразмаўляў з айцішнікамі-рэлакантамі, у якіх тут «завіслі» кватэры — ані прадаць, ані вярнуцца і жыць у іх.

Фота: Наша Ніва

«З’язджалі з думкай, што будзем катацца туды-сюды, але на працу прыйшлі данат-спісы»

  • 2-пакаёвая кватэра, 60 кв. м.
  • Рынкавы кошт каля $100-120 тысяч.
  • Выдаткі: унёсак па аплаце крэдыту — 1650 рублёў (крэдыт у беларускіх рублях на 15 гадоў, частку ўжо выплацілі), камуналка + іншыя выдаткі — каля 150 рублёў.

— У нас двухпакаёвая кватэра ў адным з ЖК Мінска: купілі ў крэдыт, зрабілі пад сябе рамонт — уклалі ўсю душу і шмат грошай. 

У выніку паспелі пажыць у ёй каля года, а потым прынялі рашэнне пераехаць у Польшчу, бо на працы паставілі ўмову: альбо рэлакацыя, альбо бэнч — што роўна скарачэнню ў будучыні. 

Мы з’язджалі з думкай, што будзем катацца туды-сюды, таму нават не падумалі зрабіць даверанасці. А праз пару месяцаў на працу ў беларускі офіс прыйшлі данат-спісы, у якія трапіў і я. Ад тых часоў у Беларусь мы не ездзілі.

Калегі са спісу схадзілі на гутаркі — і ў іх, быццам бы, усё акей. Але калі чытаеш навіны, што пры вяртанні ў Беларусь затрымліваюць і саджаюць за данаты, — ехаць ужо не хочаш. 

Вось і вісіць кватэра баластам: даводзіцца аплачваць камуналку і плаціць за крэдыт — а гэта каля 1800 рублёў на месяц. Калі б была магчымасць перааформіць яе, гэта б многае спрасціла. Хутчэй за ўсё, мы б яе прадалі — і ўсё на гэтым.

У цэлым часам там могуць жыць нашыя родныя, калі прыязджаюць у Мінск. Здаваць кватэру мы ніколі не хацелі — складана пусціць кагосьці чужога ў сваё гняздо. Плюс мы думалі, што зможам вярнуцца, спадзяваліся, што сітуацыя зменіцца. 

«Грашыма ад здачы гасім частку іпатэкі — не цалкам усё, але большую частку»

  • 4-пакаёвая, 80 кв. м.
  • Рынкавы кошт каля $110 тысяч, з рамонтам было выдаткавана $130-135 тысяч.
  • Плацеж па іпатэцы — 1950 рублёў на месяц. Крэдыт у беларускіх рублях пад 11,5%. Са 180 тысяч крэдыту засталося выплаціць каля 140.
  • Кватаранты здымаюць за 1500 рублёў + аплачваюць камуналку. 

— Хацелася б прадаць нерухомасць у Беларусі, але, на жаль, гэта немагчыма зрабіць, не наведваючы краіны.

Неўзабаве будзе два гады, як мы з’ехалі. Даверанасці не афармлялі, бо збіраліся хутка. Плюс першы год жыцця ў эміграцыі нават думаць не хацелі, што прыйдзецца прадаваць жытло, на якое мы працавалі апошнія 7 гадоў.

Мы купілі кватэру ў жніўні 2020 года — у нас тры пакоі і гасцёўня з кухняй (лічыце, еўрачатырохпакаёўка). Зрабілі рамонт, хоць і недарагі, але для сябе. Пражылі ў ёй год… Цяпер там жывуць іншыя людзі. Мама змагла аформіць у ЖЭСе дамову нават без даверанасці — ужо і не ведаю, як ёй удалося гэта. Грашыма ад здачы кватэры мы гасім частку іпатэкі — не цалкам усё, на жаль, але большую частку.

Праз некаторы час мы даспелі да таго, каб прадаць кватэру, бо грошы больш патрэбныя. Аформілі даверанасць за мяжой, але тут выйшаў указ, што яны не прымаюцца.

«У тэорыi вярнуцца магу, але ж некалькі сяброў сядзяць»

  • Трацiна кватэры. Сама кватэра каштуе каля $45-60 тысяч.

— У мяне ў Беларусi «завісла» кватэра, дакладней яе частка — гэта спадчына ад памерлага бацькі. 

Кватэра падзеленая памiж дзецьмі ад першага і другога шлюбу. Я думаў або выкупiць яе цалкам, або прадаць разам з астатнiмi ўладальнiкамi — а грошы падзялiць. Але ж выйшла так, што цяпер прыходзiцца штомесяц плацiць камуналку недзе рублёў па 30-40 на месяц, пакуль там жывуць іншыя людзі.

Я ў Літве. Калi з’язджаў увосень 2023-га, не паспеў зрабіць аніякіх дакументаў. А цяпер вярнуцца не магу (у тэорыi гэта магчыма, але ж некалькі сяброў сядзяць — таму гэта не зусім бяспечна), і прадаць кватэру, атрымоўваецца, таксама не магу. 

I нават кватарантаў у сваю частку пусцiць не магу, бо трэба падпiсаць дамову ў ЖЭСе, а без дамовы — вiтанкi ад падатковай.

Не скажу, што астатнія ўладальнікі кватэры сталiся закладнiкамi сiтуацыi — яны не вельмi жадалi яе прадаваць, бо жылi там. Iм наадварот добра: я там не жыву, але ж камуналку аплачваю, бо мне дадатковай увагі з боку дзяржавы не трэба. 

Каментары12

  • Ясненька
    23.02.2024
    Дзе там тыя каментатары, якія любяць дакараць жывучых у Беларусі: "вы платите налоги режиму и кормите режим".
    Аказваецца вось хто корміць рэжым - рэлаканты. І не хіла кормяць: "даводзіцца аплачваць камуналку і плаціць за крэдыт — а гэта каля 1800 рублёў на месяц".
  • Пеця
    23.02.2024
    Колькi падставiлi дуракоў збеглыя бабарыкiнцы, а пазняк iм дапамог, знiк зноўку як i ў 1996, спусцiўшы плошчу i выступы, дый i самога бабарыку ўжо забылi. Мiльён быў на вулiцы, бабырыку можна было вызвалiць за 5 хвiлiн, побач сядзеў у амерыканцы, але не, гэтыя неверагодныя бараны хадзiлi вакол да окала, з балёнкамi i рукi ў горы падымалi ў белых адзеннях, як бапцiсты. У вынiку Вiцька так i застаўся сядзець у амерыканцы. Света ездзiцт па прыемах па Эўропах,а пазьняк пiша свае факсы.
  • Mafkees
    23.02.2024
    Я думал неужели эта статья не заденет за живое местных нищебродов-потомков пролетариев.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Вылецела ў невядомым кірунку спікерка КР Анжаліка Мельнікава30

Вылецела ў невядомым кірунку спікерка КР Анжаліка Мельнікава

Усе навіны →
Усе навіны

У міліцыі назвалі памер хабару, які ўзяў намеснік дырэктара Беларускай чыгункі6

Мінчукі размятаюць свежы бярозавік1

Пуцін прапанаваў увесці знешняе кіраванне ва Украіне для правядзення выбараў і паабяцаў дабіць УСУ20

У міліцыі расказалі, як знайшлі забойцу двух чалавек у Рагачоўскім раёне1

305 рублёў за цукарніцу, 456 за заварнік: цэны ў анлайн-краме Свята-Елісавецінскага манастыра шакуюць19

Аперацыя па пошуку салдатаў ЗША, што праваліліся ў балота ў Літве, доўжылася ўсю ноч2

Гэты маленькі звярок можа раскрыць сакрэт барацьбы са старэннем6

«Рыхтавацца да найгоршага»: Макрон заявіў, што ў Парыжы абмяркоўвалі планы падтрымкі Украіны без ЗША2

Беларусы выкупілі пад Мінскам дзевяць участкаў, каб жыць цеснай кампаніяй. Адно месца яшчэ вакантнае18

больш чытаных навін
больш лайканых навін

Вылецела ў невядомым кірунку спікерка КР Анжаліка Мельнікава30

Вылецела ў невядомым кірунку спікерка КР Анжаліка Мельнікава

Галоўнае
Усе навіны →

Заўвага:

 

 

 

 

Закрыць Паведаміць