Іншыя кватэры традыцыйна даражэлі.
Пра нетыповую сітуацыю на мінскім рынку нерухомасці ў студзені пішацца ў справаздачы кампаніі «Авангард нерухомасць».
У студзені 2024 года ў Мінску прайшло 1030 здзелак.
Гэта менш, чым звычайна, але пры гэтым здзелкі былі даражэйшыя, чым у мінулых месяцах. Сярэдні кошт аднаго квадратнага метра ў Мінску вырас да $1441. Гэта на 2,2% больш, чым у снежні 2023-га. Рост у параўнанні са студзенем мінулага года 8,6%.
На працягу ўсяго 2023 года цана 1-пакаёвых кватэр расла. У студзені адбылося нязначнае зніжэнне на 1,6% у параўнанні з папярэднім месяцам. На фоне росту цэн у іншых сегментах гэтая сітуацыя досыць нетыповая.
Сярэдняя цана за метр у мінскіх аднушках у студзені склала $1529.
50% здзелак у студзені — з 1-пакаёвымі кватэрамі. І амаль трэць з 2-пакаёвымі. Гэтая сітуацыя тыповая для рынку сталіцы.
Самы танны квадратны метр студзеня знаходзіцца на завулку Чарвякова, 4. Пакупнікі заплацілі па $727 за кожны з 62 квадратных метраў. Агульная сума здзелкі — 45 000 даляраў.
Самы дарагі квадратны метр — на вул. Панфілава, 3. Кватэра плошчай 45,2 «квадрата» была прададзеная за 143 000 даляраў. Кошт квадратнага метра — $3164.
Самая бюджэтная здзелка студзеня прайшла па аб'екце на завулку Самарскім, 8. Яго набылі за 21 000 даляраў (або $1321 за метр квадратны).
Самая дарагая здзелка — па кватэры на вул. Друйская, 61. Там 194,3 метры былі прададзеныя за 383 000 даляраў. За кожны квадратны метр пакупнік заплаціў $1971.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты22
Каментары