Марзалюк пра Навальнага: Ашалелы рускі шавініст, які ідэалагічна ненавідзіць нас, які здзекаваўся з нашай роднай мовы
Дэпутат і гісторык Ігар Марзалюк у праекце «Азарёнок. Напрямую» расказаў, чаму беларускім і ўкраінскім нацыяналістам нельга сумаваць па Аляксею Навальным.
Па словах Азаронка, «цяпер з Еўропы пайшла метадычка — усім смуткаваць па Навальным і Нямцове (цяпер па ім гадавіна). Прытым што Навальны там пра беларускую мову…»
На гэтым моманце прапагандыста перапыніў Марзалюк.
«Рыгор, ты сарваў з языка. Каму, каму, але не беларускім нацыяналістам і не беларускім патрыётам усхваляць [Навальнага]. Калі чалавек зігаваў, выкідваў руку і крычаў: «Слава Расіі!». Калі чалавек, праехаўшы і смачна рыгнуўшы пасля нашых рэстаранаў, здзекаваўся над «ў». Перачытайце, нават я пра гэта пісаў. Гэта было ў яго сацыяльных сетках.
Вы каго [усхваляеце]? Ашалелага рускага шавініста, які ідэалагічна ненавідзіць нас? Які здзекаваўся з нашай роднай мовы? Навальны — гэта не тая гісторыя».
Па словах Марзалюка, яго асабліва замілоўвае, калі Навальнага пачынаюць усхваляць украінскія нацыяналісты. «Хлопцы, ён жа крычаў «Крым наш!» Ён жа быў супраць вашай тэрытарыяльнай цэласнасці ў тых межах, у якіх вы хочаце аднавіць сваю краіну. Хлопцы, вы сябруйце з галавой!»
Чытайце яшчэ:
Марзалюк згенераваў новую ідэю, як удасканаліць заканадаўства аб генацыдзе
Марзалюк: Мы еўрапейцы. Еўразійства — гэта трызненне
Інсайд ад Марзалюка: падчас стамбульскіх пагадненняў Расія прапаноўвала Украіне ўвесці трохмоўе
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары
дык калі мову будзем вяртаць, Марзалюк?