Трагедыя ў Газе: больш за 110 палесцінцаў загінулі ў цісканіне і пад коламі грузавікоў з гуманітарнай дапамогай
Адзін палесцінец-сведка пацвердзіў, што большасць загінулых былі збітыя машынамі.
Больш за 110 палесцінцаў загінулі ў цісканіне ў Газе, калі туды ўвайшла аўтакалона з грузам гуманітарнай дапамогі, піша Бі-бі-сі.
Натоўп, які чакаў гуманітарную дапамогу, акружыў калону грузавікоў, калі яна праехала праз Ізраільскі ваенны кантрольна-прапускны пункт на прыбярэжнай дарозе на захад ад горада Газа.
Ізраільскія вайскоўцы заявілі, што войскі адкрылі агонь па некаторых палесцінцах, якія, як здалося вайскоўцам, уяўлялі пагрозу.
У хаосе, які ўзнік, грузавікі паспрабавалі прасунуцца наперад. Адзін палесцінец-сведка пацвердзіў, што большасць загінулых былі збітыя машынамі.
Міністэрства аховы здароўя Газы, падкантрольнае ХАМАС, абвінаваціла ў тым, што адбылося, Ізраіль, а прэзідэнт ЗША Джо Байдэн выказаў занепакоенасць тым, што гэты інцыдэнт ускладніць намаганні ЗША і іншых пасярэднікаў па дасягненні часовага спынення агню ў вайне паміж Хамасам і Ізраілем.
Прадстаўнік ізраільскіх уладаў Аві Хайман назваў падзеі трагедыяй і падкрэсліў, што па папярэдніх даных прычынай гібелі такой колькасці людзей сталі кіроўцы машын, якія ў нейкі момант запанікавалі і праехалі літаральна праз натоўп людзей, якія чакалі прыбыцця гуманітарнай дапамогі.
Гайдукевіч узяў новы ўзровень хамства — прапанаваў знайсці жанчын, якія ацэняць, ці яго член быў на дыкпіку23
Каментары