«Такое было, калі Гітлер вырашыў забіць габрэяў». Прэзідэнт Бразіліі параўнаў вайну ў сектары Газа з Халакостам
Пасля заявы прэзідэнта Міністэрства замежных спраў Ізраіля выклікала пасла Бразіліі.
Бразільскі лідар Лула да Сілва на прэс-канферэнцыі ў мінулую нядзелю заявіў, што ваенная аперацыя Ізраіля супраць тэрарыстычнай групоўкі ХАМАС нагадвае яму Халакост, піша Bild.
«Тое, што адбываецца з палесцінскім народам у сектары Газа, не здаралася ні ў адзін іншы перыяд гісторыі. Дакладней, такое было, калі Гітлер вырашыў забіць габрэяў», — сказаў ён.
Аперацыя ЦАХАЛ супраць баевікоў у сектары Газа пачалася пасля таго, як тэрарысты ХАМАС 7 кастрычніка мінулага года ўварваліся на тэрыторыю краіны і ўчынілі масавую разню — яны забілі больш за 1200 чалавек і выкралі каля 250.
Пасля заявы прэзідэнта Міністэрства замежных спраў Ізраіля выклікала пасла Бразіліі, які знаходзіцца ў краіне. Пры гэтым прэм'ер-міністр Ізраіля Біньямін Нетаньяху назваў словы бразільскага прэзідэнта «ганебнымі і сур'ёзнымі».
«Гэта прыніжэнне значэння Халакосту і спроба нанесці шкоду габрэйскаму народу і праву Ізраіля на самаабарону», — сказаў Нетаньяху, дадаўшы, што Лула да Сілва сваім параўнаннем перайшоў чырвоную рысу.
Міністр абароны Ізраілю Ёаў Галант назваў выказванне прэзідэнта Бразіліі «абуральным і агідным», а прэзідэнт Ізраіля Ісаак Герцаг заявіў пра «амаральнае скажэнне гісторыі».
Лула да Сілва таксама аб'явіў, што яго краіна павялічыць выплаты Блізкаўсходняму агенцтву ААН для дапамогі палесцінскім бежанцам. Гэта адбудзецца нягледзячы на тое, што, па даных ізраільскай разведкі, прынамсі 12 супрацоўнікаў агенцтва маюць дачыненне да ўварвання 7 кастрычніка мінулага года.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары