Маск заявіў, што сацсетка X можа перастаць паказваць колькасць лайкаў і рэпостаў
Маск сказаў пра гэта, выступаючы 6 сакавіка на канферэнцыі Morgan Stanley па тэхналогіях, СМІ і тэлекамунікацыям. Ён лічыць, што такая інфармацыя можа візуальна загрувашчваць кантэнт на платформе, піша «Медуза».
Падчас канферэнцыі Маск таксама паведаміў, што X на працягу некалькіх месяцаў разлічвае атрымаць у Каліфорніі і Нью-Ёрку ліцэнзію на грашовыя пераводы.
Раней Маск казаў, што ў карыстальнікаў сацсеткі ў будучыні з'явіцца магчымасць пераводзіць адзін аднаму грошы — для запуску функцыі ў ЗША кампанія павінна атрымаць ліцэнзіі ў кожным штаце.
У студзені 2023 года выданне The Verge выпусціла расследаванне, як Ілан Маск прывёў сацсетку X (раней твітар) у хаос.
Усяго за тры месяцы, пісалі журналісты, кампанія страціла шэраг рэкламадаўцаў, звольніла не менш за палову супрацоўнікаў, у тым ліку за крытыку новага ўладальніка, а таксама забараніла распрацоўшчыкам ствараць і развіваць альтэрнатывы афіцыйнаму дадатку.
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча2
Каментары