Уся Турцыя абмяркоўвае справу ката Эраса, якога забіў мясцовы жыхар. У справу ўмяшаўся нават Эрдаган
Эраса забілі 1 студзеня: у адным з жылых комплексаў Стамбула мужчына запінаў ката нагамі каля ліфта. Мясцовыя любілі ката, лічылі яго агульным і заўсёды падкормлівалі. Калі людзі знайшлі труп жывёлы, яны прагледзелі камеры відэаназірання і вылічылі забойцу — ім апынуўся іх сусед Ібрагім Келаглан. Жудаснае відэа разляцелася па інтэрнэце, зоаабаронцы патрабавалі пакараць жывадзёра, і Келаглана затрымалі, распавядае «База».
На судзе ён сказаў, што проста быў у стане стрэсу. Яго адвакат заявіла, што кот быў бяздомны, не зʼяўляўся нічыёй маёмасцю, ну і таму шкода нікому не была прынесеная.
Спачатку Келаглана прысудзілі да 1,5 гадоў турэмнага зняволення, хоць пракурор патрабаваў да шасці гадоў. Але «за добрыя паводзіны» тэрмін замянілі на ўмоўны — і тут пачаўся сапраўдны бунт.
Жыхары ЖК не пагадзіліся з вердыктам, гаварылі, што не будуць жыць побач з жывадзёрам, каля будынка суда зладзілі пратэст. Мітынг прайшоў і ля падʼезда Келаглана. Амаль уся краіна абмяркоўвала справу Эраса.
Была створана петыцыя з патрабаваннем аб турэмным зняволенні забойцы жывёлы, якая набрала больш за 250 тысяч подпісаў.
Нават Рэджэп Эрдаган у размове з міністрам юстыцыі задаваў пытанне: «Як такое наогул магчыма?»
Прысуд перагледзелі. Келаглан атрымаў 2,5 гады пазбаўлення волі — рэкордны тэрмін за жорсткае стаўленне да жывёл у Турцыі.
Мужчына заявіў, што забіў ката з-за раптоўнага прыступу агрэсіі і што гэтая памылка разбурыла яго жыццё.
Лебедзю, якому адстрэлілі лапы, беларусы зрабілі пратэзы на 3D-прынтары. Птушка вучыцца хадзіць
У расійскім Кіраве бессардэчная правадніца выкінула ката з цягніка на 30-градусны мароз. Жывёла загінула
У беларускай электрычцы знайшлі нічыйнага сабаку. І што далей? Спойлер: расійскаму кату Твіксу пашанцавала менш
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала14
Каментары