«Усе пад кайфам». Пацукі з'елі рэчавыя доказы з марыхуанай у паліцэйскім упраўленні Новага Арлеана
Упраўленне паліцыі Новага Арлеана перажывае нашэсце пацукоў. Грызуны прабраліся нават у пакой, дзе захоўваюцца рэчавыя доказы, і з'елі некаторую колькасць марыхуаны, якая там захоўвалася. Пра гэта расказала начальніца ўпраўлення паліцыі Новага Арлеана Эн Кіркпатрык на пасяджэнні гарадскога камітэта па крымінальным правасуддзі, піша Associated Press.
![](http://nnexpictures.fra1.digitaloceanspaces.com/img/w732d4webp1/photos/z_2024_03/1920-aggressive-rat-on-dark-background-generative-ai-pggxg.jpg.webp)
«Пацукі ядуць нашу марыхуану. Яны ўсе пад кайфам», — заявіла Эн Кіркпатрык.
Начальніца ўпраўлення патлумачыла нашэсце грызуноў кепскім станам будынка паліцыі. Эн Кіркпатрык адзначыла, што штаб-кватэра праваахоўнікаў Новага Арлеана настолькі наводненая грызунамі і прусамі, што супрацоўнікі прыходзяць і выяўляюць пацучыны памёт на сталах.
«Мы гаворым, што цэнім нашых супрацоўнікаў. Але якое права мы маем разважаць пра гэта, дазваляючы людзям працаваць у такіх умовах?» — паскардзілася начальніца паліцыі.
Гарадскія ўлады паабяцалі перанесці паліцэйскае ўпраўленне ў іншы будынак. На пераезд давядзецца выдаткаваць да 7,6 млн даляраў.
У Салігорску жанчына знайшла ў дзіцячым вазку вялікага пацука. Ён паўгадзіны быў на ножках дачкі
Вошы, блохі, прусакі, пацукі. Хто жыве ў беларускіх турмах разам з вязнямі
Украінскія вайскоўцы для барацьбы з пацукамі вязуць на фронт катоў
Грызун-чысцюля. Брытанскі пенсіянер зняў, як пацук акуратна наводзіць парадак у ягоным хляве. Мілае відэа
Каментары