Апошнім часам сацыяльныя сеткі запоўнілі ролікі, у якіх салдаты паказваюць акопы — яны звычайна кішаць пацукамі.
Так, на адным з відэа ўкраінскі вайсковец скардзіцца, што пад ягоным матрацам пасяліліся пацукі. Калі другі вайсковец адчыняе сваю торбу, яны разбягаюцца ў розныя бакі.
«Калі прачынаешся, заўсёды ловіш двух-трох пацукоў, якія запаўзлі ў спальны мяшок. Не асабліва прыемна, калі цябе кусаюць за палец у сне», — распавёў Bild украінскі салдат Яўген.
Грызуны не толькі перашкаджаюць спаць салдатам, але і знішчаюць правізію, а таксама могуць пашкодзіць дарагую ваенную тэхніку або кабелі сувязі.
У сувязі з такой сітуацыяй адзін з кіеўскіх бараў нават зладзіў збор ахвяраванняў на пасткі для пацукоў, якія збіраюцца адправіць на фронт.
Тым часам многія ўкраінскія салдаты знайшлі іншае вырашэнне гэтай праблемы і прывезлі на фронт катоў.
Аднаму з іх — кату Шайбіку — нават уручылі спецыяльны медаль для валанцёраў, якія праславіліся.
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары
Шкада, што хатнія жывелаводы здекуюцца над катамі і сабакамі, трымаючы іх у чалавечых кватэрах.