Таямніца «людзей у сінім» на канцэрце ў «Крокусе» канчаткова высветлілася. Гэта дакладна не фээсбэшнікі
OSINT-даследчыкі ўвечары 26 сакавіка правялі ўласнае расследаванне гэтай справы і пераканаўча развянчалі канспіралагічную версію пра «людзей у сінім». Яны паказалі іншыя фатаграфіі ўдзельнікаў таямнічай групы і даведаліся некаторыя дэталі іх біяграфіі. У выяўленні гэтых людзей OSINT-даследчыкам дапамаглі праграмы распазнання асоб, піша «Медуза». Заадно выданне само расследавала, адкуль у гэтай версіі растуць ногі.
На другі дзень пасля тэракту ў «Крокус Сіці Холе» ў сацыяльных сетках завірусілася відэа з тыктока польскага журналіста Марціна Ролі. Ён не быў аўтарам версіі аб арганізацыі атакі расійскімі ўладамі, а проста выклаў у сваім акаўнце ролік, зняты адным з наведвальнікаў канцэрту «Пікніка» ў момант, калі тэрарысты ўварваліся ў глядацкую залу і адкрылі страляніну па людзях. Роля суправадзіў гэта такім каментаром: «Тэрмінова! Тэракт у Расіі?! Вялікая колькасць забітых і параненых!»
Карыстальнікі твітара разгледзелі адказ на пытанне польскага журналіста проста на выкладзеных ім кадрах. Нібыта група з мінімум чатырох мужчын, апранутых у сінія джынсы і сінія кофты рознага крою і адценняў, за некалькі секунд да таго, як тэрарысты ўварваліся ў залу, пачала выкрыкваць заклікі зачыніць дзверы. Гэтых дэталяў хапіла для нараджэння і раскруткі версіі пра тайную групу супрацоўнікаў спецслужбаў, якія каардынавалі тэракт.
Хто быў першакрыніцай тэорыі, сказаць цяжка, але вось яе вычарпальнае выкладанне у адным з першых твітаў, якія шырока разляцеліся:
Кураторы из путинских спецслужб имевшие отличительную особенность синяя футболка и джинсы четко руководили процессом блокировки людей для последующего убийства. pic.twitter.com/xypnLg9CsX
Хтосьці нават разглядзеў на размытых кадрах асобы канкрэтных сілавікоў:
А вот второй – когда он подхватил команды и повернулся (0:55)
Уж больно лицо мне показалось знакомым. Удалось выяснить на кого он показался похож
На Михаила Швеца. Он причастен к отравлению Алексея Навального pic.twitter.com/hEEoQ1PxYg
Праз яшчэ некалькі гадзін версія абрасла дадатковымі дэталямі: нібыта як мінімум адзін удзельнік заканспіраванай групы не толькі прысутнічаў у зале «Крокуса» ўвечары 22 сакавіка, але і затрымліваў меркаваных выканаўцаў тэракту ў бранскім лесе раніцай 23 сакавіка. У гэтым выпадку «аргументамі», акрамя колеру кофты і джынсаў, сталі падобная стрыжка і гадзіннік на левай руцэ ў абодвух мужчын.
Во время теракта в Крокусе были ФСБэшники!!!
В звле где должен был пройти концерт группы "Пикник", как и на всех других мероприятиях были ФСБэшники. Они даже одеты в одинаковую одежду: синий свитер и джинсы.
На видео видно, как сидящие в зале под видом зрителей, очень хорошо… pic.twitter.com/GXHT3fB0bt
Нарэшце, апошнім (і, бадай, адзіным па-сапраўднаму падазроным) элементам тэорыі стала экспрэс-расследаванне беларускага праекта Nexta. Журналісты выдання знайшлі фатаграфію аднаго з меркаваных супрацоўнікаў спецслужбаў на сайце цэнтра спорту, размешчанага ў пасёлку Сосенскае ў Маскве. Па тым жа адрасе, высветлілі ў Nexta, знаходзіцца штаб-кватэра Галоўнага разведвальнага ўпраўлення Генштаба Узброеных сіл Расіі (ГРУ).
Акрамя таго, аўтары матэрыялу выказалі здагадку, што адзін з удзельнікаў «сіняй» групы таксама быў прадстаўлены як наведвальнік канцэрту, які нібыта абясшкодзіў узброенага тэрарыста (доказаў гэтаму эпізоду за чатыры дні з моманту тэракту ўлады і дзяржаўныя медыя не прадставілі).
Безумоўна, тэорыя нарадзілася не на пустым месцы: крытыкі Крамля яшчэ з канца 1990-х падазраюць Уладзіміра Пуціна і ягонае атачэнне ў датычнасці да арганізацыі тэрактаў — для здабыцця палітычнай выгады. Тады, праз некалькі дзён пасля выбухаў жылых дамоў у Буйнакску, Маскве і Валгадонску, у падвале дома ў Разані былі знойдзеныя мяшкі з цукрам, у якіх на экспертызе таксама былі выяўленыя сляды гексагену.
У першыя гадзіны пасля знаходкі праваахоўныя органы актыўна пачалі расследаваць інцыдэнт і шукаць людзей, якія заклалі мяхі, але ўжо на наступны дзень на той момант дырэктар ФСБ Мікалай Патрушаў (цяпер — па-ранейшаму ўплывовы сакратар Рады бяспекі РФ) абвясціў, што ўсё здарэнне аказалася толькі вучэннямі ФСБ для праверкі пільнасці грамадзян. Выраз «разанскі цукар» з тых часоў стаў намінальным, ім абазначаюць «крамлёўскі след» у арганізацыі тых ці іншых злачынстваў.
Як звярнулі ўвагу аўтары рассылкі «Сігнал», у дзень тэракту ў «Крокусе» наведвальнасць старонкі пра выбухі ў Маскве ў 1999 годзе ў «Вікіпедыі» вырасла больш чым у 200 разоў. Так што версію пра «разанскі цукар» частка грамадства, відавочна, чакала — і знайшла пацвярджэнне сваім чаканням у «людзях у сінім».
А цяпер — сеанс выкрыцця
Ён увогуле будзе вельмі кароткім. OSINT-даследчыкі ўвечары 26 сакавіка правялі ўласнае расследаванне і пераканаўча развянчалі версію пра «людзей у сінім». Яны паказалі іншыя фатаграфіі ўдзельнікаў таямнічай групы і даведаліся некаторыя дэталі іх біяграфіі. У выяўленні гэтых людзей OSINT-даследчыкам дапамаглі праграмы распазнання асоб.
Выяўлены Nexta «супрацоўнік ГРУ» аказаўся настаўнікам фізкультуры Дзмітрыем Ярохіным, высветлілі рэдактар «Медыязоны» Максім Літаўрын і незалежны журналіст Андрэй Захараў.
это учитель физры из Омска, окончил СибГУФК, предположительно несколько лет назад переехал в Москву или Подмосковье. еще у него судимость по мелкой статье, но может быть конечно на сверхсекретные операции ФСБ нанимают физруков с судимостью. pic.twitter.com/RscWRJ8JZZ
Яшчэ аднаго «спецслужбіста» дэананімізавалі галоўны рэдактар выдання The Insider Раман Дабрахотаў і даследчык з праекта Bellingcat Хрыста Грозеў. Па звестках Дабрахотава, мужчыну завуць Дзмітрый Дружкоў і ён «нафтавік у ВНИИСТ».
Дорогие конспирологи, мне жаль вас разочаровывать, но "ФСБшник в синей кофте" оказался обычным нефтяником из ВНИИСТ по имени Алексей Дружков, который никакого отношения ни к ФСБ, ни к человеку в маске не имеет pic.twitter.com/3FhU68UtOH
Пазней гэты чалавек даў кароткае інтэрв'ю ТАСС, у якім таксама запэўніў, што не мае дачынення да спецслужбаў, а займаецца будаўніцтвам — і канцэрт наведваў як звычайны глядач разам са сваім дзіцем.
Літаўрын з Захаравым таксама звярнулі ўвагу на тое, што на іншым моманце з відэазапісу затрымання меркаваных тэрарыстаў відаць твар мужчыны, якога Nexta і многія карыстальнікі сацсетак прынялі за ўдзельніка «сіняй групы». З яго становіцца відавочна, што гэта іншы чалавек — хоць бы па расліннасці на твары ў таго, хто затрымлівае, і яе адсутнасці ў гледача канцэрта (праграмы распазнання асоб таксама лічаць, што гэта іншы чалавек).
последнее (я надеюсь) по теме мужиков в синих кофтах. про того самого, который якобы был в зале «крокуса», а потом — задерживал подозреваемых.
мы со @skazal_on нашли и этого человека. это просто МУЖИК ИЗ БЕЛАРУСИ, который пришел на концерт со своей дочерью (справа от него) pic.twitter.com/4zBSpYusPz
Каментары